21 студзеня, Алена Прус - БЕЛТА/. У Беларусі з 1 студзеня бягучага года ўведзены карэкціруючыя каэфіцыенты да тарыфных ставак (акладаў) бюджэтнікаў. Аб гэтым паведамілі карэспандэнту БЕЛТА ў Міністэрстве працы і сацыяльнай абароны.
Адпаведная пастанова міністэрства ад 14 студзеня 2013 года №8 была афіцыйна апублікавана 20 студзеня гэтага года на Нацыянальным прававым інтэрнэт-партале Беларусі. Яна была распрацавана на выкананне пастановы Савета Міністраў ад 28 снежня 2012 года №1230 "Аб устанаўленні памеру тарыфнай стаўкі першага разраду для аплаты працы работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый". Дадзеным дакументам урада тарыфная стаўка першага разраду з 1 студзеня 2013 года павышана да Br240 тыс. з мэтай далейшага павышэння ўзроўню аплаты працы работнікаў бюджэтных арганізацый, пакупніцкай здольнасці іх заработнай платы, а таксама частковага аднаўлення дыферэнцыяцыі ў аплаце працы бюджэтнікаў. Адначасова з мэтай частковага аднаўлення дыферэнцыяцыі ў аплаце працы бюджэтнікаў, прадугледжанай адзінай тарыфнай сеткай работнікаў Рэспублікі Беларусь (ЕТС), зменены дыяпазон карэкціруючых каэфіцыентаў да тарыфных ставак (акладаў) работнікам, тарыфікаваным 11-21 разрадамі, з 1,545-1,032 да 1,538-1,010.
Карэкціруючыя каэфіцыенты да тарыфных ставак (акладаў) работнікаў бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый, разлічаным у адпаведнасці з устаноўленай Саветам Міністраў тарыфнай стаўкай першага разраду і каэфіцыентамі ЕТС, устаноўлены ў наступных памерах: з 1-га да 2-га разраду - 3,500; з 2-га да 3-га разраду - 3,066; з 3-га да 4-га разраду - 2,660; з 4-га да 5-га разраду - 2,321; з 5-га да 6-га разраду - 2,148; з 6-га да 7-га разраду - 1,988; з 7-га да 8-га разраду - 1,888; з 8-га да 9-га разраду - 1,798; з 9-га да 10-га разраду - 1,708; з 10-га да 11-га разраду - 1,626; з 11-га да 12-га разраду - 1,538; з 12-га да 13-га разраду - 1,456; з 13-га да 14-га разраду - 1,377; з 14-га да 15-га разраду - 1,309; з 15-га да 16-га разраду - 1,248; з 16-га да 17-га разраду - 1,208; з 17-га да 18-га разраду - 1,169; з 18-га да 19-га разраду - 1,129; з 19-га да 20-га разраду - 1,099; з 20-га да 21-га разраду - 1,060; з 21-га да 22-га разраду - 1,030; з 22-га да 23-га разраду - 1,000; з 23-га да 24-га разраду - 1,000; з 24-га да 25-га разраду - 1,000; з 25-га да 26-га разраду - 1,000; з 26-га да 27-га разраду - 1,000; па 27-м разрадзе - 1,000.
Пастанова Мінпрацы і саца абароны ўступае ў сілу пасля яе афіцыйнага апублікавання і распаўсюджвае сваё дзеянне на адносіны, якія ўзніклі з 1 студзеня 2013 года.
Нагадаем, з 1 студзеня 2012 года тарыфная стаўка першага разраду была павышана да Br200 тыс., з 1 мая - да Br210 тыс., з 1 верасня - да Br225 тыс.-0-