"Наша мэта дасягнута - людзі з інваліднасцю жывуць поўным жыццём". Такая фраза прагучала сёння падчас перамоваў лепельчан з замежнымі партнёрамі.

"Наша мэта дасягнута - людзі з інваліднасцю жывуць поўным жыццём".
Такая фраза прагучала сёння падчас перамоваў лепельчан з замежнымі партнёрамі.

"Наша мэта дасягнута - людзі з інваліднасцю жывуць поўным жыццём".

Такая фраза прагучала сёння падчас перамоваў лепельчан з замежнымі партнёрамі. Лепельшчыну наведалі прадстаўнікі Міжнароднага дабрачыннага грамадскага аб'яднання "ЭкаБудаўнік" і грамадскай арганізацыі "Дамы замест Чарнобыля".

Гасцей сустрэлі Віктар Азаронак, дэпутат Палаты прадстаўнікоў Нацыянальнага сходу Рэспублікі Беларусь, Вераніка Хомбак, намеснік старшыні райвыканкама, а таксама спецыялісты тэрытарыяльнага цэнтра сацыяльнага абслугоўвання насельніцтва Лепельскага раёна. 

Як адзначыла кіраўнік дабрачыннай арганізацыі "Дамы замест Чарнобыля" Эдэльтраўт Шылл, партнёрства з лепельчанамі дало менавіта той вынік, на які яны і разлічвалі. Людзі з інваліднасцю, якія пражываюць у раёне, жывуць паўнавартасным, яркім і насычаным жыццём. Шматгадовае супрацоўніцтва, нібы пазл, склалася ў цудоўны вынік. Узведзеныя аб'екты паспяхова функцыянуюць. Зайшоўшы ў іх, адчуваецца жыццё, энергія радасці.

-- У прыярытэце для нас - чалавечнасць, а не палітыка, - падкрэсліла Эдэльтраўт Шылл. 

Нагадаем, у Лепельскім раёне на працягу многіх гадоў пры ўзаемадзеянні мясцовых органаў улады і замежных партнёраў рэалізуюцца значныя сацыяльныя праекты. Самыя буйныя з іх за апошні час - будаўніцтва аддзялення сацыяльнай рэабілітацыі, абілітацыі інвалідаў, а таксама працоўных майстэрняў пры ім.

Цяпер знаходзіцца ў працы яшчэ адзін праект, і звязаны ён з дзецьмі. Пры падтрымцы нямецкіх інвестараў ідзе рамонт аднаго з дамоў сямейнага тыпу па вуліцы Чуйкова. Добраўпарадкуецца і прылеглая тэрыторыя. 

-- Досвед узаемадзеяння Лепельскага раёна з замежнымі інвестарамі відавочны. Паспяховае партнёрства пацвярджаецца перш за ўсё адкрыццём новых сацыяльна значных аб'ектаў, якія праз час даказалі сваю запатрабаванасць і ўнікальнасць.

Цяпер мы працягваем працаваць у тым жа духу. Наперадзе - новыя дамоўленасці і канкрэтныя вынікі, - адзначыў Віктар Азаронак. 

-- Нашы інваліды сталі зусім іншымі. Дзякуючы магчымасці рэалізоўваць свае

таленты, вучыцца новаму, сустракацца і быць у цэнтры ўвагі людзі з абмежаванымі магчымасцямі сталі больш адкрытымі і вясёлымі. Яны не сядзяць дома, не замыкаюцца ў сабе. Кожны з іх – паўнавартасны грамадзянін.

Радуе тое, што зусім іншымі сталі і бацькі, якія выхоўваюць дзяцей-інвалідаў. Яны сталі больш камунальнымі і смелымі, – адзначыла Вераніка Хомбак. 

Сёння падчас візіту замежных партнёраў у Лепель была арганізавана гутарка ў раённым выканаўчым камітэце, наведванне дамоў сямейнага тыпу, а таксама наведванне аддзяленняў тэрытарыяльнага цэнтра сацыяльнага абслугоўвання насельніцтва. 

Адзначым, сёння пры аддзяленні сацыяльнай рэабілітацыі, абілітацыі інвалідаў працуюць 11 працоўных майстэрняў, 15 гурткоў і клубаў. Наведваюць аддзяленне 85 чалавек.

Чакаецца, што сённяшні прыезд прадстаўнікоў дабрачыннай арганізацыі дасць новы імпульс развіццю партнёрскіх адносін паміж лепельскім і нямецкім бакамі.

 Яна Міснік. Газета "Лепельскі край"