Прыняцце Стратэгіі развіцця Міждзяржаўнага савета па стандартызацыі, метралогіі і сертыфікацыі (МГС) краін СНД да 2030 года - гэта адно з прыкладна 20 разгледжаных пытанняў праграмы 57-га пасяджэння МГС. Яго правялі ў фармаце відэаканферэнцыі, паведамілі БЕЛТА ў прэс-службе Дзяржстандарту.
Прыняцце Стратэгіі развіцця Міждзяржаўнага савета па стандартызацыі, метралогіі і сертыфікацыі (МГС) краін СНД да 2030 года - гэта адно з прыкладна 20 разгледжаных пытанняў праграмы 57-га пасяджэння МГС. Яго правялі ў фармаце відэаканферэнцыі, паведамілі БЕЛТА ў прэс-службе Дзяржстандарту.
Прынятая стратэгія развіцця адлюстроўвае агульнае бачанне замацаваных за МГС напрамкаў супрацоўніцтва. Іх гарманізавалі са стратэгіяй развіцця СНД і нормамі і правіламі міжнародных арганізацый. Да канца года будзе падрыхтаваны праект мерапрыемстваў рэалізацыі стратэгіі, удакладнілі ў прэс-службе.
Таксама было прынята змяненне №1 да Праграмы работ па міждзяржаўнай стандартызацыі на 2019-2021 гады і актуалізаванай на бягучы год. У яго ўвайшло 167 праектаў міждзяржаўных дакументаў па стандартызацыі, запланаваных да распрацоўкі ў галіне паліўна-энергетычнага і горназдабыўнога, металургічнага, нафтахімічнага, хімічнага, аграпрамысловага, электратэхнічнага комплексаў, а таксама ў лёгкай прамысловасці, ахове здароўя, машынабудаванні, сферы інфармацыйных тэхналогій і іншых галінах. Змяненне сфарміравана па прапановах Беларусі, Казахстана і Расіі.
У фонд міждзяржаўных стандартаў уключана 240 новых міждзяржаўных стандартаў і змяненняў да іх.
Удзельнікі пасяджэння адобрылі новую рэдакцыю парадку правядзення конкурсу на суісканне прэміі СНД за дасягненні ў галіне якасці прадукцыі і паслуг. Дакумент прыведзены ў адпаведнасць з новай рэдакцыяй палажэння аб дадзеным конкурсе, зацверджаным рашэннем Савета кіраўнікоў урадаў СНД ад 29 мая 2020 года. Адобраная рэдакцыя парадку правядзення конкурсу будзе накіравана для разгляду ў Выканаўчы камітэт СНД.
Для стымулявання выпуску і экспарту прадукцыі і паслуг высокай якасці, укаранення інавацыйных тэхналогій і метадаў эфектыўнага менеджменту ў арганізацыях дзяржаў - удзельніц СНД на пасяджэнні прынялі рашэнне аб аб'яўленні чарговага, восьмага конкурсу на суісканне прэміі СНД 2021 года за дасягненні ў галіне якасці прадукцыі і паслуг.