Прэзідыум Савета Рэспублікі Нацыянальнага сходу Беларусі канстатуе, што рэзалюцыя Сойма Літоўскай Рэспублікі ад 10 верасня не адпавядае духу добрасуседства паміж нашымі краінамі і ўніверсальным парламенцкім прынцыпам. Такая інфармацыя размешчана на сайце верхняй палаты парламента, паведамляе БЕЛТА.
Прэзідыум Савета Рэспублікі Нацыянальнага сходу Беларусі канстатуе, што рэзалюцыя Сойма Літоўскай Рэспублікі ад 10 верасня не адпавядае духу добрасуседства паміж нашымі краінамі і ўніверсальным парламенцкім прынцыпам. Такая інфармацыя размешчана на сайце верхняй палаты парламента, паведамляе БЕЛТА.
"Прыняццем гэтага дакумента літоўскія парламентарыі груба ўмешваюцца ва ўнутраныя справы Беларусі і праяўляюць адкрытую непавагу да суверэннага права беларускага народа самастойна выбіраць кіраўніцтва і вызначаць шлях развіцця сваёй краіны. Спроба літоўскіх дэпутатаў прызначыць "лідара народа Беларусі" і зусім выходзіць за рамкі здаровага сэнсу. Падобныя дзеянні з'яўляюцца правакацыйнымі і недапушчальнымі, парушаюць нормы міжнароднага права і міждзяржаўных зносін, прынятую парламенцкую практыку", - гаворыцца ў каментарыі.
Асаблівае непрыманне выклікаюць заклікі аказваць санкцыйны ціск на беларускія ўлады з мэтай змены ўнутранай і знешняй палітыкі краіны. "Упэўненыя ў тым, што адносіны Беларусі і Літвы могуць плённа развівацца толькі на аснове ўзаемнай павагі, канструктыўнага ўсебаковага супрацоўніцтва, уключаючы міжпарламенцкае ўзаемадзеянне, і неўмяшання ва ўнутраныя справы", - адзначаецца ў каментарыі.