26 сакавіка каля 12 гадзін дня ў службу выратавання паступіла паведамленне аб пажары гаспадарчай пабудовы ў вёсцы Двор Бабча Каменскага сельсавета. Калі ратавальнікі прыбылі да месца паведамлення, назіралася адкрытае гарэнне сарая.

26 сакавіка каля 12 гадзін дня ў службу выратавання паступіла паведамленне аб пажары гаспадарчай пабудовы ў вёсцы Двор Бабча Каменскага сельсавета.

Калі ратавальнікі прыбылі да месца паведамлення, назіралася адкрытае гарэнне сарая.

У выніку пажару сарай знішчаны цалкам, пацярпелых няма.

У ходзе праводзімай праверкі па дадзеным факце, высветлілася, што прычынай пажару сталі бестурботныя дзеянні суседа-пенсіянера, які спальваў галіны дрэў на прысядзібнай тэрыторыі. Па дадзеным факце працягваюцца праверачныя дзеянні.

Штогод з надыходам вясны павялічваецца колькасць пажараў з-за выпальвання сухой расліннасці. Любая неасцярожнасць з агнём у гэты перыяд прыводзіць да знішчэння лясоў, жылых дамоў, гаспадарчых пабудоў, а часам і да гібелі людзей. Так, у бягучым годзе з-за неасцярожнага абыходжання з агнём пры выпальванні сухой расліннасці па Віцебскай вобласці ліквідавана 33 травяныя і 1 лясны пажар.

Каб простая ўборка ўчастка не ператварылася ў трагедыю, МНС нагадвае: згодна з дзеючым заканадаўствам кантралюемае распальванне вогнішчаў, размяшчэнне спецыяльных прыстасаванняў для прыгатавання ежы (мангалаў, барбекю) на тэрыторыі дачных кааператываў, баз адпачынку, прысядзібных участках дапускаецца пры выкананні наступных умоў:

- прыняць меры па недапушчэнні распаўсюджвання гарэння за межы пляцоўкі (г.зн. прыбраць гаручыя матэрыялы вакол месца вогнішча, магчыма абсыпаць пяском, узрыхліць зямлю вакол вогнішча);

- пастаянна кантраляваць працэс гарэння і забяспечыць пляцоўку сродкамі тушэння (вогнетушыцель, ёмістасць з вадой, лапата і г.п.). Пасля ўсяго патушыць да поўнага спынення тлення;

-

захоўваць адлегласці пры развядзенні вогнішчаў не менш: 10 метраў ад будынкаў і збудаванняў, 20 – ад лясных масіваў, 30 – ад скірдаў сена і саломы, размяшчаць спецыяльныя прыстасаванні для прыгатавання ежы дазваляецца на адлегласці не менш 4 метраў ад будынкаў (збудаванняў).

Звяртаем увагу грамадзян, што за парушэнне названых правілаў пажарнай бяспекі прадугледжана адміністрацыйная адказнасць ад 10 да 40 базавых велічынь.