У сувязі са складаным неспрыяльным надвор'ем, абумоўленым нізкімі тэмпературамі, снегападамі, снежна-ледавымі ўтварэннямі ў месцах перамяшчэння людзей і аўтамабільнага транспарту, у мэтах забеспячэння бяспекі жыццядзейнасці насельніцтва і зніжэння рызыкі траўматызму, санітарна-эпідэміялагічнай службай раёна актывізавана работа па кантролі за своечасовым правядзеннем супрацьгалалёдных мерапрыемстваў на тэрыторыях, прылеглых да аб'ектаў, і агульнадаступных тэрыторыях населеных пунктаў, уборкай снегу, галалёду на тэрыторыях (аб'ектах) вобласці і г.д.
Патрабаванні да аб'ёму і перыядычнасці правядзення супрацьгалалёдных мерапрыемстваў выкладзены ў Санітарных нормах, правілах «Санітарна-эпідэміялагічныя патрабаванні да ўтрымання і эксплуатацыі тэрыторый», зацверджаных пастановай Міністэрства аховы здароўя Рэспублікі Беларусь ад 02.02.2023 №22 і ў Правілах добраўпарадкавання і ўтрымання населеных пунктаў, зацверджаных пастановай Савета Міністраў Рэспублікі Беларусь ад 28 лістапада 2012 №1087 (у рэдакцыі пастановы Саўміна ад 16.05.2025 №267).
Лепельскі раённы ЦГіЭ нагадвае, што для прадухілення траўматызму ў зімовы час неабходна:
своечасова праводзіць ачыстку ад снегу, галалёду і апрацоўку супрацьгалалёднымі сродкамі тратуараў і пешаходных зон, ганка і прыступак будынкаў і збудаванняў штодня і па меры неабходнасці;
своечасова праводзіць уборку снежна-ледавых утварэнняў з дахаў, балконаў і іншых выступаючых частак будынка;
звяртаць павышаную ўвагу на ўстаноўленыя папераджальныя таблічкі: «Асцярожна! Магчыма падзенне з даху снегу і лёду», «Асцярожна! Слізкія прыступкі», «Асцярожна! Галалёд» і г.д.;
таксама, з улікам надвор'я неабходна правільна выбіраць прыдатнае абутак, не спяшацца, быць уважлівым, што дазволіць значна знізіць колькасць траўм.