Упраўленне па працы, занятасці і сацыяльнай абароне Лепельскага раённага выканаўчага камітэта інфармуе аб загінуўшых і пацярпеўшых на вытворчасці, якія атрымалі цяжкія вытворчыя траўмы, за 2018 год у параўнанні з 2017 годам.
Па аператыўных даных Дэпартамента на 8 студзеня 2019 г. у мінулым годзе ў арганізацыях Віцебскай вобласці загінуў 21 працаўнік і 75 чалавек атрымалі цяжкія вытворчыя траўмы (у 2017 годзе – адпаведна 16 і 71). Пры гэтым у 2018 годзе колькасць загінуўшых на вытворчасці ў разліку на 100 тысяч застрахаваных па абавязковым страхаванні ад няшчасных выпадкаў на вытворчасці і прафесійных захворванняў (Кч) у вобласці склаў 4,8 (па рэспубліцы – 3,8). У арганізацыях Лепельскага раёна за мінулы 2018 год 2 чалавекі атрымалі цяжкія вытворчыя траўмы (у 2017 годзе – адпаведна 3). Смяротныя выпадкі на вытворчасці за 2017 і 2018 гады на тэрыторыі Лепельскага раёна не зафіксаваны.
Значны рост вытворчага траўматызму з цяжкімі наступствамі ў 2018 годзе адзначаны ў арганізацыях камунальнай формы ўласнасці па вобласці, дзе загінула 13 работнікаў, што на 5 чалавек больш, чым у 2017 годзе, і 48 чалавек атрымалі цяжкія вытворчыя траўмы (у 2017 годзе – 30 пацярпелых).
Так, з агульнай колькасці пацярпелых з цяжкімі наступствамі 61 чалавек або 63,5 працэнта ад іх агульнай колькасці па вобласці, прыпадае на арганізацыі камунальнай формы ўласнасці (у 2017 годзе – 38 пацярпелых або 43,7 працэнта). Пры гэтым 37 чалавек або 60,7 працэнта ад колькасці пацярпелых з цяжкімі наступствамі ў арганізацыях камунальнай формы ўласнасці – работнікі сельскагаспадарчых арганізацый.
Маніторынг прычын няшчасных выпадкаў з цяжкімі наступствамі паказвае, што часта яны з'яўляюцца следствам невыканання кіраўнікамі і спецыялістамі абавязкаў па ахове працы, а парушэнні пацярпелымі працоўнай і вытворчай дысцыпліны, інструкцый па ахове працы – сведчаць аб наяўнасці недахопаў і упушчэнняў у забеспячэнні працадаўцамі кантролю за выкананнем службовымі асобамі і работнікамі патрабаванняў аховы працы, працоўнай і вытворчай дысцыпліны.
Асноўнымі прычынамі няшчасных выпадкаў з цяжкімі наступствамі ў Віцебскай вобласці, спецыяльныя расследаванні якіх завершаны на 8 студзеня 2019 г., з'явіліся:
- парушэнне пацярпелымі працоўнай і вытворчай дысцыпліны, патрабаванняў нарматыўных прававых актаў, тэхнічных нарматыўных прававых актаў, лакальных нарматыўных актаў па ахове працы – 15,1 працэнта ад агульнай колькасці прычын;
- невыкананне кіраўнікамі і спецыялістамі абавязкаў па ахове працы – 14,3 працэнта;
- асабістая неасцярожнасць пацярпелых – 10,3 працэнта;
- парушэнне патрабаванняў бяспекі пры эксплуатацыі транспартных сродкаў, машын, механізмаў, абсталявання, аснасткі, інструмента – 6,3 працэнта;
- допуск пацярпелых да працы без навучання і праверкі ведаў па пытаннях аховы працы – 6,3 працэнта;
- парушэнне патрабаванняў па ахове працы іншымі работнікамі – 6,3 працэнта;
- незадавальняючае ўтрыманне і недахопы ў арганізацыі працоўных месцаў – 5,6 працэнта;
- парушэнне правілаў дарожнага руху іншымі асобамі – 5,6 працэнта.
Акрамя таго варта адзначыць, што ў мінулым годзе 5 работнікаў вобласці ў момант гібелі або атрымання цяжкай траўмы на вытворчасці знаходзіліся ў стане алкагольнага ап'янэння.
З улікам выкладзенага
ага, прапануем прыняць дадатковыя меры па недапушчэнні росту траўміравання работнікаў на вытворчасці, устараненні прычын вытворчага траўматызму, безумоўным выкананні сваіх абавязкаў па ахове працы як службовымі асобамі арганізацыі, так і самімі работнікамі, а таксама забеспячэнні імі вытворча-тэхналагічнай, выканальніцкай і працоўнай дысцыпліны.
Дадзены ліст накіроўваецца для выкарыстання ў працы і давядзення да ведама работнікаў арганізацыі.