Алкаголь – моцны псіхатропны сродак, які ўздзейнічае на псіхіку і паводзіны чалавека.
Алкаголь – моцны псіхатропны сродак, які ўздзейнічае на псіхіку і паводзіны чалавека.
У малых дозах алкаголь выклікае узбуджэнне, якое праяўляецца ў павышэнні настрою, адчуванні радасці, жаданні весяліцца, аднак пры ўжыванні вялікай колькасці алкаголь аказвае негатыўны ўплыў на працу галаўнога мозгу.
Пастаяннае ўжыванне алкаголю прыводзіць да ўзнікнення хранічнага алкагалізму, алкагольнай залежнасці. Як і любое хранічнае захворванне, алкагалізм развіваецца паступова.
Праблема злоўжывання спіртным сёння актуальная як ніколі. Ад наступстваў алкагалізму пакутуюць усе пласты грамадства і ўзроставыя групы, але самыя безабаронныя – гэта падрастаючае пакаленне: моладзь, школьнікі і падлеткі.
Мерамі прафілактыкі ужывання алкаголю з'яўляюцца: правядзенне педагагічнай і сацыяльнай працы ў установах адукацыі, уцягванне падлеткаў у праграмы здаровай актыўнасці, садзейнічанне працаўладкаванню моладзі, уздзеянне сродкаў масавай інфармацыі, сацыяльная рэклама аб шкодзе алкаголю, кантроль за дзецьмі з праблемных сем'яў, лячэнне залежных ад алкаголю людзей і іншыя.
Варта адзначыць, што аптымальная папераджальная мера ў выпадку з падлеткамі – цвярозыя бацькі. Калі дзіця назірае ў сям'і піянства, у доме маецца свабодны доступ да спіртнога, вялікая верагоднасць узнікнення ў яго жадання паспрабаваць алкаголь.
Барацьба з піянствам – гэта барацьба за будучае здаровае пакаленне. Алкаголь парушае здароўе мільёнаў людзей, павялічвае смяротнасць пры цэлым шэрагу захворванняў, з'яўляецца прычынай многіх фізічных і псіхагенных хвароб, разбурае сям'ю, рэзка павялічвае злачыннасць і ў значнай ступені негатыўна ўплывае на маральныя ўстоі грамадства.
Кожны з нас павінен памятаць, што алкагалізм лягчэй прадухіліць, чым лячыць!
Памочнік пракурора
Лепельскага раёна
юрыст 2 класа Т.В. Лукуціна