У мэтах рэалізацыі мерапрыемстваў Дзяржаўнай праграмы «Экалогія» на 2026 – 2030 гады, зацверджанай пастановай Савета Міністраў Рэспублікі Беларусь ад 30 снежня 2025 г. № 791, Міністэрства прыродных рэсурсаў і аховы навакольнага асяроддзя запрашае ўсіх жыхароў Рэспублікі Беларусь далучыцца да экалагічнай акцыі – «Гадзіна Зямлі 2026».
Акцыя пройдзе ў апошнюю суботу сакавіка. Яе галоўная мэта – фарміраванне экалагічнай культуры, выхаванне беражлівых адносін да прыроды, а таксама прыцягненне ўвагі да праблем змены клімату.
28 сакавіка ў васемнаццаты раз мы далучымся да глабальнай акцыі «Гадзіна Зямлі», падчас якой мільёны людзей па ўсім свеце на гадзіну выключаць святло, каб задумацца пра будучыню планеты.
Для гэтага дастаткова выключыць асвятленне і іншыя не першачарговыя электрапрыборы (за выключэннем ліфтоў) на адну гадзіну – з 20.30 да 21.30 – у знак падтрымкі адказнага стаўлення да прыроды.
Гэтая гадзіна – сімвал нашай агульнай адказнасці: клапаціцца пра навакольнае асяроддзе дзеля дабрабыту цяперашніх і будучых пакаленняў.