Маладыя карыстальнікі інтэрнэту ўсё часцей становяцца ахвярамі махлярскіх схем. Іх наіўнасць, дапытлівасць і часта недастатковая дасведчанасць у пытаннях кібербяспекі робяць іх асабліва прывабнымі для зламыснікаў.
Махляры актыўна выкарыстоўваюць сацыяльныя сеткі, анлайн-гульні і мэсэнджары для ўсталявання кантакту з дзецьмі і падлеткамі. Яны маскіруюцца пад аднагодкаў, прапаноўваючы сяброўства, абяцаючы выйгрышы ў конкурсах ці прапаноўваючы «лёгкі» заробак.Мэта заўсёды адна – выманіць асабістыя дадзеныя, атрымаць доступ да акаўнтаў ці прымусіць перавесці грошы.
Адной з найбольш распаўсюджаных схем з'яўляецца фішынг – рассылка падробленых паведамленняў ад імя вядомых брэндаў ці арганізацый з просьбай прадаставіць канфідэнцыйную інфармацыю, напрыклад, дадзеныя банкаўскай карты ці пароль ад акаўнта.
Дзеці, не заўсёды разумеючы небяспеку, могуць лёгка трапіць на гэту прынаду.
Іншай небяспекай з'яўляюцца анлайн-гульні, дзе махляры часта прапануюць купіць віртуальныя прадметы ці гульнявую валюту па зніжанай цане.
Вучыце дзяцей фінансавай пісьменнасці!