Абгон - самы небяспечны манеўр пры кіраванні аўтамабілем

Абгон - самы небяспечны манеўр пры кіраванні аўтамабілем. Прычым ён аднолькава небяспечны для таго, хто абганяе, для таго, каго абганяюць, і для сустрэчнага аўтамабіля. Менавіта абгоны з'яўляюцца самымі распаўсюджанымі прычынамі ДТЗ.

Даведкава:

Увечары 12 сакавіка недалёка ад вёскі Залессе Полацкага раёна 63-гадовы кіроўца "Fiat" на закругленні дарогі не справіўся з кіраваннем. Выехаўшы на паласу сустрэчнага руху, ён сутыкнуўся з "Volkswagen Passat". 65-гадовы пасажыр "Fiat" загінула на месцы здарэння. Кіроўца гэтага ж аўта, а таксама 25-гадовыя кіроўца і пасажыр "Volkswagen" шпіталізаваны.

22 лютага каля 9 раніцы на 118 км трасы "Санкт-Пецярбург - Гомель - мяжа Украіны" адбылося сутыкненне трох аўтамабіляў. 34-гадовы мужчына, які знаходзіўся за рулём аўтамабіля "Toyota", не справіўся з кіраваннем і здзейсніў датыкальнае сутыкненне з "BMW", а пасля гэтага ўрэзаўся ў "Ford". Кіроўца "Toyota" загінуў на месцы здарэння. 31-гадовы пасажыр гэтага ж аўта і дзяўчына 1998 года нараджэння, якая знаходзілася ў аўтамабілі "Ford", дастаўлены ў бальніцу.

20 студзеня каля 11 гадзін раніцы на 108 км трасы "Віцебск-Полацк-мяжа Латвійскай Рэспублікі" сутыкнуліся трактар і лесавоз "МАЗ". 46-гадовы кіроўца лесавоза пры апярэджанні здзейсніў датыкальнае сутыкненне з трактарам, якім кіраваў кіроўца 1966 года нараджэння. У выніку аварыі 54-гадовага мужчыну даставілі ў бальніцу.

Дзяржаўтаінспекцыя напамінае, што за парушэнне правілаў абгону, часткай 9 артыкула 18.13 КоАП Рэспублікі Беларусь прадугледжана адказнасць у выглядзе штрафу ад 2 да 10 базавых велічынь і пазбаўленне права кіравання транспартным сродкам тэрмінам да 1 года або без пазбаўлення права кіравання транспартным сродкам.

Рэкамендацыі кіроўцам:

Калі абганяеце Вы:

Пастаянна кантралюйце сітуацыю вакол сябе. Сачыце за тым, каб ніхто не абганяў вас у момант пачатку абгону. Неабходна праглядаць дарогу наперад і адмаўляцца ад абгону на пад'ёме, павароце і ў месцах, дзе ёсць пешаходы або магчыма іх нечаканае з'яўленне (у горадзе, напрыклад, каля школ).
Таксама неабходна адмовіцца ад абгону аўтамабіля, які прытармажвае або адхіляецца ад прамалінейнага руху.

Лепш спачатку высветліць прычыну гэтага манеўру, а толькі потым абганяць.

Найбольш складана абганяць вялікія машыны ці групы невялікіх машын. І ў тым, і ў іншым выпадку не трэба набліжацца ззаду блізка. Дыстанцыя ў гэтым выпадку неабходная для разгону і для лепшай праглядальнасці дарогі. Таксама пры набліжэнні да абганяемага аўтамабіля можна зрушыцца ўлева і ўправа для лепшага кантролю дарожнай сітуацыі наперадзе.

Абгон прадугледжвае выкананне трох манеўраў. Гэта перастраенне на паласу сустрэчнага руху, апярэджанне і перастраенне назад у сваю паласу.
Для добрага і бяспечнага манеўру ўночы неабходна выдатна ведаць трасу. Пачынаць абгон трэба з блізкага святла фар. Далёкае можна уключыць толькі пасля таго, як зраўняліся з абганяемай машынай.

Калі вас абганяюць:

Заўсёды хтосьці можа ехаць хутчэй. Дайце ім магчымасць абагнаць. У момант абгону, калі сустрэчных машын няма, не націскайце на газ, але і не тармазіце. Калі з'явілася сустрэчная машына, трэба дзейнічаць па сітуацыі. Часцей за ўсё многія кіроўцы даюць параду прыціснуцца ўправа і тармазіць. Гэта правільна, але з невялікім выключэннем. Сапраўды, калі абганяючая машына ўжо апярэдзіла ваш аўтамабіль як мінімум на паўкорпуса, лепш паслухацца парады і тармазіць, прыціснуўшыся ўправа. Калі ж яна толькі пачала абгон, трэба прыняць у правы бок без змены хуткасці. У гэтым выпадку ў кіроўцы абганяючай машыны з'явіцца магчымасць адмовіцца ад абгону і ўстаць назад за вас. Інакш можа ўзнікнуць сітуацыя вашага адначасовага тармажэння, што зусім не спадабаецца кіроўцам сустрэчных аўтамабіляў.