Па словах кіраўніка аблздароўя, прадпраектная дакументацыя па аб'екце ўжо выканана, крыніца фінансавання цяпер вызначаюць. "Рэканструкцыя Віцебскай абласной клінічнай бальніцы праводзіцца па даручэнні кіраўніка дзяржавы. Першай чаргой вызначана будаўніцтва новага корпуса, які прыбудоўваецца да бальніцы. У ім будуць размяшчацца аперацыйныя і рэанімацыйныя аддзяленні. Усе аперацыйныя аддзяленні пяройдуць у корпус для таго, каб мы не спынялі працу бальніцы, паколькі яна з'яўляецца асноўнай установай аховы здароўя вобласці. Тут размяшчаецца шмат спецыфічных аддзяленняў, якія не прадстаўлены ў іншых установах. Таму пачынаем мы з будаўніцтва новага корпуса. Крыніцу фінансавання вызначаем, паколькі рэсурсы дастаткова вялікія. Цяпер займаемся праектнай дакументацыяй па першым корпусе, у наступным годзе плануем пачынаць будаўніча-мантажныя работы", - распавёў кіраўнік аблздароўя.
Сёння ў бальніцы функцыянуе 27 аддзяленняў. Тут аказваюць спецыялізаваную планавую і экстраную медыцынскую дапамогу жыхарам паўночнага рэгіёна. У прыёмным аддзяленні штогод яе атрымліваюць больш за 50 тыс. чалавек і звыш 35 тыс. пацыентаў - у стацыянары.
Крыніца: vitebsk-region.gov.by