Абмен дзяржаўнага пасведчання на права палявання ажыццяўляецца пасля заканчэння тэрміну яго дзеяння ў адпаведнасці з заканадаўствам аб адміністрацыйных працэдурах без праходжання спецыяльнага паляўнічага экзамену.

Для ажыццяўлення адміністрацыйнай працэдуры «Абмен дзяржаўнага пасведчання на права палявання» неабходна звярнуцца не раней чым за 1 месяц да заканчэння тэрміну яго дзеяння ў устаноўу Міністэрства лясной гаспадаркі па месцы жыхарства (для жыхароў г. Мінска і Мінскага р-на – УП «Белдзяржпаляванне» аг. Ждановічы, вул. Паркавая 26а, каб. 201, для астатніх грамадзян – лясгас Міністэрства лясной гаспадаркі).

Адміністрацыйная працэдура «Абмен дзяржаўнага пасведчання на права палявання» ажыццяўляецца ў адпаведнасці з пунктам 16.102 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 г. №200.



Дакументы і (або) звесткі, якія прадстаўляюцца грамадзянінам пры ажыццяўленні адміністрацыйнай працэдуры:

1) заява (запаўняецца ва УП «Белдзяржпаляванне», альбо лясгасе);

2) пашпарт або іншы дакумент, які сведчыць асобу;

3) дзяржаўнае пасведчанне на права палявання;

4) два каляровыя фотаздымкі заяўніка памерам 30 х 40 мм;

5) дакумент, які пацвярджае ўнясенне платы за пакрыццё затрат на выраб бланка дзяржаўнага пасведчання на права палявання. (грамадзяне, зарэгістраваныя ў г. Мінску і Мінскім раёне, аплату могуць зрабіць ва УП «Белдзяржпаляванне» пры падачы заявы на замену, як наяўным, так і безнаяўным разлікам)



Памер платы, якая спаганяецца пры ажыццяўленні адміністрацыйнай працэдуры



1 базавая велічыня за выраб бланка дзяржаўнага пасведчання на права палявання



Дадатковыя паслугі



рэгістрацыя ў рэестры паляўнічых – 50 кап.; чахол для карткі – 1 рубель 50 кап.



Максімальны тэрмін ажыццяўлення адміністрацыйнай працэдуры



1 месяц з дня падачы заявы



Мінімальны тэрмін ажыццяўлення адміністрацыйнай працэдуры 



3 рабочыя дні з моманту падачы заявы ва УП "Белдзяржпаляванне" (дадатковая аплата – 10 руб.);



5 рабочых дзён з моманту паступлення дакументаў з лясгаса Міністэрства лясной гаспадаркі (дадатковая аплата – 10 руб.)



Тэрмін дзеяння дзяржаўнага пасведчання



10 гадоў