У Віцебску стартуюць бясплатныя адукацыйныя курсы "Віцебскі арнамент", прысвечаныя развіццю гарадской супольнасці, паведамілі БЕЛТА арганізатары.
У Віцебску стартуюць бясплатныя адукацыйныя курсы "Віцебскі арнамент", прысвечаныя развіццю гарадской супольнасці, паведамілі БЕЛТА арганізатары.
Слухачы курсаў пазнаёмяцца з перадавымі практыкамі па арганізацыі гарадскіх мерапрыемстваў культурнага, сацыяльнага, эканамічнага і іншых напрамкаў. У якасці лектараў выступяць эксперты-практыкі з розных гарадоў Беларусі, якія падзеляцца вопытам і дадуць парады па праектах слухачоў курсаў.
Пасля дапрацоўкі сваіх ідэй удзельнікі заняткаў змогуць прадставіць іх зацікаўленым у партнёрстве гарадскім службам, камерцыйным структурам і грамадскім арганізацыям. Такія прэзентацыі будуць праходзіць ужо традыцыйным для Віцебска фармаце "творчых чацвяргоў". У 2016 годзе дзякуючы гэтай форме знаёмства генератараў ідэй і іх партнёраў 15 новых праектаў былі рэалізаваны, узбагаціўшы культурна-івэнтавы арнамент горада.
Стаць слухачом курсаў "Віцебскі арнамент" можа любы ахвотны без якіх-небудзь абмежаванняў па ўзросце, базавых ведах. Заняткі адкрыты для ўсіх, хто, рэалізуючы сябе ў тых ці іншых відах актыўнасці, імкнецца зрабіць горад больш утульным і прывабным. Прыём заявак адкрыты да 15 кастрычніка. Арганізатарам курсаў выступае ўстанова "Віцебск для мяне" (Vitebsk4me).