Грамадска-палітычная сітуацыя ў рэгіёне, меры бяспекі, функцыянаванне рэальнага сектара эканомікі. Гэтыя і многія іншыя тэмы сталі ключавымі на сустрэчы кіраўніцтва вобласці, горада Віцебска, праваахоўных органаў рэгіёна з прадстаўнікамі грамадзянскай супольнасці, якая прайшла 17 жніўня ў аблвыканкаме.
Грамадска-палітычная сітуацыя ў рэгіёне, меры бяспекі, функцыянаванне рэальнага сектара эканомікі. Гэтыя і многія іншыя тэмы сталі ключавымі на сустрэчы
кіраўніцтва вобласці, горада Віцебска, праваахоўных органаў рэгіёна з прадстаўнікамі грамадзянскай супольнасці, якая прайшла 17 жніўня ў аблвыканкаме.
У кожнага свой погляд на сітуацыю ў краіне і на тое, якой яе хочацца бачыць. Самы эфектыўны спосаб данесці да органаў улады грамадскую пазіцыю — размова не на вуліцы, а за круглым сталом. Такога прынцыпу прытрымліваліся ўдзельнікі цяперашняй сустрэчы. Сур'ёзную танальнасць размовы вызначылі хваляванні ў сацыуме і напалены інфармацыйны фон, якім так ці інакш былі прасякнуты тэзісы грамадзян.
Усіх сабраных аб'яднала галоўнае — недапушчэнне дэстабілізацыі мірнай абстаноўкі ў дзяржаве. Здавалася б, каму можа не даваць спакою жыццё людзей у бяспечнай, незалежнай краіне? Тым не менш такія сілы ёсць. Таму адно з першых пытанняў, адрасаваных органам улады, датычылася прымяняемых мер грамадскай бяспекі ў перыяд правядзення электаральнай кампаніі і пасля яе. Старшыня аблвыканкама Мікалай Шарстнёў адразу адзначыў апраўданасць такіх крокаў. Гатаваліся сур'ёзныя правакацыі. Дзякуючы зладжанай працы вартавых правапарадку ў рэгіёне ўдалося спыніць спробу правакатараў расхістаць абстаноўку. Было выказана задавальненне паводзінамі віцябчан, якія падчас пратэстных акцый не здзейснілі дзеянняў, што дэзарганізуюць нармальную дзейнасць аб'ектаў жыццезабеспячэння і інфраструктуры.
Па словах начальніка УУС аблвыканкама Міхаіла Грыба, у цяперашні час працягваецца кантроль над аператыўнай абстаноўкай, забеспячэнне правапарадку і грамадскай бяспекі.
Факты па вобласці:
· У першыя дні з тэрыторый меркаваных месцаў правядзення несанкцыянаваных мерапрыемстваў для разбіральніцтва ў органы ўнутраных спраў было дастаўлена 700 чалавек.
· У цяперашні час вызвалены ўсе грамадзяне, якія знаходзіліся ў ізалятарах часовага ўтрымання.
· Заведзена 3 крымінальныя справы за арганізацыю масавых беспарадкаў, звязаных з гвалтам у дачыненні да супрацоўнікаў органаў унутраных спраў у Полацку і Наваполацку.
Нягледзячы на гэта, ад грамадзян у адрас сілавых структур прагучалі незадаволенасці, звязаныя са выпадкамі гвалту і перавышэння паўнамоцтваў у дачыненні да затрыманых падчас несанкцыянаваных акцый. Міхаіл Вячаслававіч растлумачыў: праваахоўнікі загадзя папярэджвалі людзей аб недапушчальнасці падобных мерапрыемстваў і ўдзелу ў іх, таму пры спыненні парушэнняў правапарадку супрацоўнікі міліцыі былі нацэлены на максімальна адэкватнае прымяненне сілы. Аднак кіраўнік віцебскай міліцыі не адмаўляе факты неапраўданай жорсткасці, у сувязі з чым ім былі прынесены прабачэнні затрыманым і пацярпелым у выніку прымянення фізічнай сілы і спецыяльных сродкаў грамадзянам. Па кожным з такіх эпізодаў праваахоўнікамі праводзіцца праверка, пасля чаго будзе дадзена прававая ацэнка.
Аб фактах супрацьпраўных (гвалтоўных) дзеянняў у перыяд правядзення мірных акцый пратэсту можна паведаміць па тэлефоне «гарачай лініі» Віцебскага аблвыканкама (8-0212) 33-61-63 (з 8.00 да 17.00 у працоўныя дні).
У чарзе пытанняў уздымалася тэма забастовак. Мікалай Мікалаевіч непахісны: такія дзеянні гуляюць супраць інтарэсаў працоўных калектываў. Цяпер, калі некаторыя эмацыйна зараджаны, лёгка ўсё страціць. І менавіта на такіх пачуццях спрабуюць гуляць тыя, хто насамрэч пераследуе разбуральныя мэты. А што будзе, калі эмоцыі спадуць? Сцэнар развіцця такіх падзей, перакананы кіраўнік вобласці, аднолькавы для ўсіх: за адзін міг неабдумана можна страціць тое, што з вялікай працай будавалася гадамі. Гэта спыненне арганізацый, прадпрыемстваў, страта працоўных месцаў і заробкаў... Бо ў большасці суб'ектаў гаспадарання абавязацельствы не толькі перад айчыннымі, але і замежнымі партнёрамі, і іх невыкананне пагражае не толькі стратай дзелавой рэпутацыі, але і эканамічным калапсам. Несумненна, забастоўкі і заклікі да іх — адзін з інструментаў разварочвання агрэсіі і пратэстных настрояў, якія пераважна распаўсюджваюцца праз сацыяльныя сеткі, тэлеграм-каналы. Праз іх выкарыстоўваецца і прыём нівеліравання, які адлюстроўваецца ў свядомасці інтэрнэт-карыстальнікаў, зробленага за гады незалежнасці краіны. Вось чаму падчас дыялогу ў некаторых прадстаўнікоў грамадзянскай супольнасці прама ці ўскосна праскоквала не поўнае валоданне сацыяльна-эканамічнымі працэсамі, якія адбываюцца ў рэгіёне. А зроблена сапраўды шмат, усяго і не пералічыць. Штогод вобласць прырастае новымі сучаснымі бальніцамі, дзіцячымі садамі, школамі, спартзаламі, басейнамі, стадыёнамі. Праводзіцца работа па навядзенні парадку на зямлі, добраўпарадкаванні населеных пунктаў, павышэнні якасці жыцця людзей.
Органы ўлады не супраць эвалюцыйных змяненняў, аднак не вулічных і без надломаў. Людзі ўжо стаміліся ад хваляванняў у грамадстве, падсілкоўваных бясконцым патокам інфармацыі на розных інтэрнэт-пляцоўках. Кожны хоча спакойна жыць, працаваць, забяспечваць сябе, сваю сям'ю, быць упэўненымі ў бяспецы сваіх дзяцей. Галоўнае, у імкненнях да лепшага не сапсаваць тое добрае, што ў нас ёсць.
***
Удзельнікі дыялогу сышліся на думцы: зваротная сувязь у падобным фармаце карысная для ўсіх бакоў. Мікалай Шарснёў падтрымаў прапанову па сістэматычным правядзенні падобных сустрэч, калі яны будуць праходзіць у канструктыўным рэчышчы і з карысцю для грамадства.
На большасць пытанняў дадзены тлумачэнні адразу, для больш поўнага разгляду і праверкі іншых спатрэбіцца час. На ўсе пытанні, выкладзеныя ў ходзе сустрэчы, адказы будуць апублікаваны на сайтах мясцовых выканаўчых і распарадчых органаў у бліжэйшы час.
Афіцыйны сайт Віцебскага аблвыканкама.