На дарогах Віцебскай вобласці за мінулыя выхадныя зарэгістравана 35 дарожна-транспартных здарэнняў з матэрыяльнай шкодай, з іх 16 — у абласным цэнтры.
Затрымана 5 нецвярозых кіроўцаў і 16 пазбаўленых правоў.
Да адміністрацыйнай адказнасці за парушэнне правілаў дарожнага руху прыцягнута больш за 150 пешаходаў. З іх 19 знаходзіліся ў стане алкагольнага ап'янэння, 81 — без святлоадбівальных элементаў.
Дзяржаўтаінспекцыя Віцебскай вобласці настойліва рэкамендуе кіроўцам выбіраць бяспечную хуткасць руху і дыстанцыю да транспартнага сродку, які рухаецца наперадзе, быць максімальна ўважлівымі за рулём, улічваць надвор'е і дарожныя ўмовы. Пешаходы павінны строга выконваць патрабаванні правілаў дарожнага руху і ў цёмны час сутак пазначаць сябе флікерамі.