16 студзеня, Віцебск /Алена Ціханава - БЕЛТА/. Каля 50 катку і лядовых пляцовак рыхтуюцца прыняць аматараў зімовага адпачынку ў Віцебску, паведамілі карэспандэнту БЕЛТА ў аддзеле адукацыі, спорту і турызму гарвыканкама.
У абласным цэнтры ўжо заліты каток на плошчы Перамогі. Тут 19 студзеня пройдуць спартыўныя мерапрыемствы і конкурсы ў рамках святкавання Міжнароднага дня снегу.
Актыўна вядуцца работы па падрыхтоўцы катка на пляцоўцы каля Летняга амфітэатра. Калі ў рэгіёне захаваюцца мінусовыя тэмпературы, то ў выхадныя каток зможа прыняць аматараў актыўнага адпачынку. У бліжэйшыя дні будуць заліты лядовыя скрынкі на прышкольных і дваравых тэрыторыях.
Што тычыцца лыжных прагулак, то пакуль здзейсніць іх не атрымаецца з-за недахопу снегу. Каля дзясятка трас (асноўныя з якіх знаходзяцца ў раёне вучэльні алімпійскага рэзерву, зоны адпачынку поймы ракі Віцьба, стадыёна "Лакаматыў", Палаца спорту па праспекце Будаўнікоў, парку культуры і адпачынку імя Савецкай Арміі) пачнуць дзейнічаць, як толькі вышыня снежнага покрыва складзе не менш за 10-15 см.
Аналагічныя снежныя ўмовы неабходныя і для таго, каб пачалі дзейнічаць горкі для цюбінгу, уладкаваныя каля Віцебскага ЦСК.-0-
Навіны Беларусі (БЕЛТА)