14 снежня, Віцебск /Вольга Багачова - БЕЛТА/. Каля Br790 млн. бюджэтных сродкаў накіравана ў Віцебскай вобласці на правядзенне рэспубліканскай дабрачыннай акцыі "Нашы дзеці", паведаміў карэспандэнту БЕЛТА намеснік начальніка ўпраўлення адукацыі Віцебскага аблвыканкама Валерый Кунашко. Штогадовая акцыя, якая стартавала 10 снежня, праводзіцца да 11 студзеня 2013 года. Усяго за гэты непрацяглы перыяд перадсвяточных і калядных дзён у рэгіёне запланавана правесці дзясяткі кропкавых акцый з удзелам кіраўнікоў органаў выканаўчай і распарадчай улады рознага ўзроўню, прадстаўнікоў розных ведамстваў, прадпрыемстваў, арганізацый, грамадскіх аб'яднанняў. У цэнтры іх увагі будуць дзеці з шматдзетных і малазабяспечаных сем'яў, прыёмных і апекунскіх сем'яў, дамоў сямейнага тыпу, выхаванцы дзіцячых інтэрнатных устаноў, цэнтраў карэкцыйна-развіваючага навучання, дзеці-інваліды. Не застануцца па-за ўвагай і дзеці, якія трапілі на час святаў у гарадскія і раённыя бальніцы. Кожнага з іх чакаюць віншаванні і салодкія падарункі. У межах правядзення акцыі дэлегацыя са 100 дзяцей, якія прадстаўляюць усе гарады і раёны рэгіёна, адправіцца ў Мінск, каб прыняць удзел у навагоднім дабрачынным свяце ў Палацы Рэспублікі. Абласное ранішнік з удзелам старшыні Віцебскага аблвыканкама збярэ дзяцей Віцебшчыны 28 снежня ў канцэртнай зале "Віцебск". Дзяцей чакае маса прыемных сюрпрызаў і маляўнічае шоў. Усяго ў Віцебскай вобласці пражываюць каля 205,5 тыс. дзяцей ва ўзросце да 18 гадоў, у тым ліку 4,1 тыс. дзяцей-сірот і тых, хто застаўся без апекі бацькоў, 2,6 тыс. якія пражываюць у замяшчальных сем'ях, больш за 800 - у прыёмных сем'ях, 121 дзіця выхоўваецца ў дамах сямейнага тыпу.-0-

БЕЛТА