Паводле інфармацыі Белгідрамета ў пятніцу, 14 сакавіка, уначы і раніцай у многіх раёнах краіны чакаецца ўзмацненне ветру парывамі да 15-20 м/с. На большай частцы тэрыторыі пройдуць ападкі (дождж, мокры снег), у асобных раёнах магчыма ўтварэнне галалёдзіцы.
Тэмпература паветра на працягу сутак складзе ад -3°С да +11°С.Кіроўцам варта праяўляць асаблівую асцярожнасць пры выездзе на прадуваемыя ўчасткі мясцовасці, масты, пуцеправоды. Руль варта трымаць абедзвюма рукамі, быць гатовымі да раптоўных парываў ветру. Не рэкамендуецца паркавацца пад дрэвамі, паблізу ліній электраперадач, слаба замацаваных канструкцый з высокай паруснасцю.
Пры руху ва ўмовах ападкаў збавце хуткасць, уключыце блізкае святло і процітуманныя фары. Адмоўцеся ад лішніх манеўраў, павялічце дыстанцыю і бакавы інтэрвал.
Пешаходам у непагадзь варта пераходзіць дарогу толькі пераканаўшыся, што кіроўцы вас заўважылі і прапускаюць. Абазначце сябе адзеннем павышанай бачнасці, а ў цёмны час сутак пры руху ўздоўж праезнай часткі - абавязкова святлоадбівальнымі элементамі. У час ападкаў і галалёдзіцы адмоўцеся ад перамяшчэння на сродках персанальнай мабільнасці і роварах.