Прэзідэнт Беларусі Аляксандр Лукашэнка 23 снежня падпісаў указ №470 аб узнагароджанні ордэнам Маці. Пра гэта БЕЛТА паведамілі ў прэс-службе кіраўніка дзяржавы.
За нараджэнне і выхаванне пяці і больш дзяцей узнагароды ўдастоены работніцы розных сфер дзейнасці. Сярод іх – прадстаўніцы прамысловых і аграпрамысловых прадпрыемстваў, арганізацый будаўнічай, нафтахімічнай галін і сацыяльнай сферы, банкаўскага сектара, фармацэўтыкі, гандлю і сувязі, устаноў адукацыі, аховы здароўя, культуры і спорту, а таксама індывідуальныя прадпрымальнікі і хатнія гаспадыні.
Сярод узнагароджаных – настаўніца Варонаўскай сярэдняй школы Віцебскага раёна імя І.Е. Бесхлебнага Юлія Духовіч, кандытар кандытарскага цэха брэсцкага ААТ "ПраDтавары" Дар'я Васілюк, старшыня праўлення жыллёвага спажывецкага кааператыва №148 Брэста Юлія Міцюк, спецыяліст па аказанні рознічных банкаўскіх паслуг аддзела продажу рознічных банкаўскіх прадуктаў і паслуг цэнтра рознічнага бізнесу Віцебскага абласнога ўпраўлення №200 ААТ "Ашчадны банк "Беларусбанк" Вольга Яўсеева, галоўны захавальнік фондаў Цэнтра гісторыі і культуры Кастрычніцкага раёна Наталля Васіленка, тынкоўшчыца ААТ "Мазырскі домабудаўнічы камбінат" Кацярына Пікуза, урач-педыятр, урач-рэабілітолаг дзіцячай паліклінікі Ваўкавыскай цэнтральнай раённай бальніцы Наталля Вечар, повар Яновіцкага дзіцячага садка Клецкага раёна Алена Жукоўская, ліцейшчыца пластмас ААТ "Беразінскае" Маладзечанскага раёна Лідзія Панчанка.
Усяго ордэнам Маці ўзнагароджаны 77 жыхарак Брэсцкай, Віцебскай, Гомельскай, Гродзенскай і Мінскай абласцей.