– Больш за 1000 прызыўнікоў з нашага рэгіёну трэба накіраваць для праходжання тэрміновай ваеннай службы і службы ў рэзерве, – паведаміў начальнік накірунку прызыву на ваенную службу ваеннага камісарыята вобласці Аляксей Нянахін. – Грамадзяне, якія не з'явіліся без уважлівых прычын на мерапрыемствы па прызыве на ваенную службу і ўхіляюцца ад выканання воінскага абавязку, будуць прыцягнуты да адказнасці ў адпаведнасці з заканадаўствам Беларусі.
Навабранцам напутлівыя словы сказалі прадстаўнікі камісарыята, грамадскай арганізацыі салдатскіх маці, БРСМ і царквы.
— Асноўная задача ў прызыўнікаў на тэрміновую ваенную службу, службу ў рэзерве – атрыманне ўлікова-ваеннай спецыяльнасці, — сказаў намеснік ваеннага камісара вобласці Сяргей Кунахавец. — У сувязі з частковай мабілізацыяй у Расіі ў Інтэрнэт-прасторы цяпер з'явіліся фэйкі аб скрытай мабілізацыі ў Беларусі. Такога паняцця няма. Ніякіх пазапланавых мабілізацыйных мерапрыемстваў у цяперашні час не праводзіцца. Традыцыйна праходзяць ваенныя зборы, на якія плануецца адправіць да 50 чалавек. Таксама планавымі з'яўляюцца мерапрыемствы па праверцы воінскага ўліку.
– Сёння маладым людзям трэба служыць у няпросты час, на межах краіны напружаная абстаноўка, – падкрэсліў старшыня Віцебскай абласной арганізацыі ГА «Беларускі саюз афіцэраў», капітан 2-га рангу ў адстаўцы Сяргей Дзянісаў. – Таму неабходна з асаблівым запалам асвойваць ваенна-ўліковую спецыяльнасць, каб у выпадку неабходнасці стаць на абарону Радзімы.
Ваеннаслужачы 103-й Віцебскай асобнай гвардзейскай паветрана-дэсантнай брыгады гвардыі шараговы Мацвей Пахольчук дадаў, што пры праходжанні ваеннай службы ў арміі важная поўная самааддача.
– Мужчына – гэта той, хто бярэ на сябе вырашэнне цяжкіх задач перад сям'ёй, грамадствам і дзяржавай, – звярнуўся да прызыўнікоў айцец Аляксандр. – Гэтаму вы будзеце вучыцца ў арміі. Ганарыцеся, што дзяржава давярае вам народ. Дакажыце, што вы гэтага вартыя.
Сярод навабранцаў – Даніла Кантур, якому трэба будзе служыць адзін год. Юнак вучыўся ў Беларускім дзяржаўным універсітэце харчовых і хімічных тэхналогій у Магілёве. Яго адпраўляюць у Мінск у роту ганаровай варты.
– Я ганаруся тым, што менавіта тут буду праходзіць службу, – сказаў Даніла.
У першы дзень прызыўнікі папоўняць шэрагі сіл спецыяльных аперацый, 72 АВУЦ і Мінскай ваеннай камендатуры. Адпраўка новага папаўнення з абласных (Мінскага гарадскога) зборных пунктаў працягнецца па 4 лістапада – ва Узброеныя Сілы, па 30 лістапада – у іншыя войскі і воінскія фарміраванні.
Цырымонія прыняцця Ваеннай прысягі ў зноў прыбылага папаўнення ў злучэннях і воінскіх часцях Узброеных Сіл адбудзецца 19 лістапада.
Звальненне ў запас ваеннаслужачых, якія выслужылі ўстаноўленыя тэрміны тэрміновай ваеннай службы, будзе праведзена ў адпаведнасці з заканадаўствам своечасова, у кастрычніку-лістападзе.
Крыніца: vitebsk-region.gov.by