У ёй узялі ўдзел дэлегаты 25 раённых і гарадскога аддзялення партыі, якія альбо непасрэдна прыехалі ў Віцебск, альбо былі падключаны анлайн.
Сёння абласное аддзяленне Беларускай партыі «Белая Русь» налічвае ў сваіх шэрагах больш за 9000 членаў, у той час як на момант стварэння ў 2023 годзе іх было ўсяго паўтары тысячы.
Такі імклівы рост папулярнасці партыі – вынік вялікай мэтанакіраванай працы па ўмацаванні адзінства, патрыятызму і сацыяльнай накіраванасці мерапрыемстваў. «Белая Русь» – не проста аб'яднанне аднадумцаў, а магутная сіла, згуртаваная агульнай мэтай зрабіць Беларусь квітнеючай і незалежнай. Партыя не на словах, а на справе даказвае адданасць роднай зямлі, яе ідэалы – стабільнасць, дынамічнае развіццё, годнае будучае для кожнага грамадзяніна.
– Можна з поўнай упэўненасцю сказаць, што «Белая Русь» як палітычная партыя гучна заявіла пра сябе добрымі, цікавымі праектамі, – адзначыў старшыня Віцебскага абласнога Савета дэпутатаў Дзмітрый Дзямідаў. – Мы разам вытрымалі сур'ёзны экзамен падчас найважнейшай электаральнай кампаніі па выбарах Прэзідэнта Рэспублікі Беларусь. Менавіта мы з вамі, аднапартыйцы, праявілі сябе як дастаткова сфарміраваная, спелая палітычная сіла. Наперадзе ў нас – пяцігодка развіцця, пяцігодка якасці, і ні ў якім разе нельга самаспакойвацца і чакаць наступнага электаральнага цыклу. Мы павінны выразна разумець, што супраць нашай краіны, эканомікі, абараназдольнасці, а самае галоўнае – супраць духоўнасці, маральнасці вядзецца актыўная барацьба. Усе нашы дасягненні выклікаюць раздражванне ў геапалітычных праціўнікаў Беларусі, якія, уводзячы найжорсткія эканамічныя санкцыі, размяшчаючы ваенныя базы, аказваючы інфармацыйны ўплыў, робяць усё, каб падарваць нашу краіну. У гэты перыяд нам трэба разумець сваю адказнасць як найважнейшага элемента грамадзянскай супольнасці за будучае.
Як адзначыла ў сваёй дакладзе старшыня абласнога аддзялення Беларускай партыі «Белая Русь», рэктар ВДУ ім. П. Машэрава Валянціна Багатырэва, сіламі арганізацыі за 2024 год было праведзена больш за 550 мерапрыемстваў і акцый патрыятычнай накіраванасці, у тым ліку форумы, круглыя сталы і дыялогавыя пляцоўкі, сустрэчы з ідэалагічным актывам і працоўнымі калектывамі. Сярод іх – праект «Сучасны светапарадак», цыкл дзіцячых патрыятычных фестываляў «Любоў да роднай Беларусі з дзяцінства» і інш.
Асаблівае гучанне сёлета набыла тэма 80-годдзя Вялікай Перамогі. У гандлёвым цэнтры «Трыё» абласнога цэнтра ўжо другі раз прайшла выстава «Вялікі май Вялікай Перамогі», у Батанічным садзе пасаджана інтэрнацыянальная алея, створаны лічбавы архіў успамінаў сведкаў Вялікай Айчыннай вайны, рэалізаваны шэраг мерапрыемстваў па добраўпарадкаванні воінскіх пахаванняў часоў Вялікай Айчыннай вайны. У межах праекта «Партыйная школа» працуе адукацыйная анлайн-платформа.
І гэта толькі малая доля ўсёй працы, якая праводзіцца ў кожным кутку вобласці. Шмат у чым – дзякуючы асабістай ініцыятыве, настойлівасці, актыўнасці старшыні абласной арганізацыі. Таму невыпадкова, што дэлегаты канферэнцыі аднагалосна зноў выбралі Валянціну Багатыраву старшынёй савета Віцебскага абласнога аддзялення Беларускай партыі «Белая Русь».