Аддзел ДАІ Лепельскага РАУС у межах рэалізацыі Комплексу мер па павышэнні бяспекі дарожнага руху ў Рэспубліцы Беларусь «Добрая дарога» нагадвае правілы дарожнага руху для веласіпедыстаў.

З прыходам лета рэзка павялічылася колькасць веласіпедыстаў і мапедыстаў на дарозе. І, на жаль, ужо ёсць першыя ахвяры такіх ДТЗ. Сёння мы прапануем разам паўтарыць патрабаванні ПДР для гэтых катэгорый удзельнікаў дарожнага руху.

п. 148. Рух на веласіпедзе павінен ажыццяўляцца па веласіпеднай дарожцы, а пры яе адсутнасці — па абочыне, тратуары або пешаходнай дарожцы, не ствараючы перашкоды для бяспечнага руху пешаходаў. Пры адсутнасці ўказаных элементаў дарогі або немагчымасці руху па іх дапускаецца рух веласіпедыстаў па праезнай частцы дарогі ў адзін шэраг не далей 1 метра ад яе правага краю. Пры гэтым:
п. 148.1. выезд далей 1 метра ад правага краю праезнай часткі дарогі дапускаецца толькі для аб'езду перашкоды і ў дазволеных выпадках для павароту налева або развароту;
п. 148.2. калоны веласіпедыстаў пры руху па праезнай частцы дарогі павінны быць падзелены на групы не больш чым па 10 веласіпедыстаў. Адлегласць паміж групамі павінна складаць не менш за 100 метраў;
п. 148.3. пры наяўнасці на праезнай частцы дарогі лініі гарызантальнай дарожнай разметкі 1.2, якая абазначае яе край, гэтая лінія павінна размяшчацца злева ад веласіпедыста.
На гэты пункт ПДР звяртаем павышаную Вашу ўвагу!!! п. 149. Пры руху па дарозе ў цёмны час сутак і (або) пры яе недастатковай бачнасці на веласіпедзе або мапедзе павінны быць уключаны: спераду — фара (ліхтар), якая выпраменьвае белае святло, ззаду — ліхтар, які выпраменьвае чырвонае святло.
п.150. Па-за скрыжаваннямі на нерэгулюемым перасячэнні веласіпеднай дарожкі з дарогай веласіпедыст абавязаны саступіць дарогу транспартным сродкам, якія рухаюцца па гэтай дарозе.
п.151. Пры перасячэнні праезнай часткі дарогі па пешаходным пераходзе веласіпедыст павінен весці (!!!) веласіпед побач з сабой і кіравацца патрабаваннямі, прадугледжанымі сапраўднымі Правіламі для руху пешаходаў.
п.152. Рух на мапедзе павінен ажыццяўляцца па абочыне або праезнай частцы дарогі не далей 1 метра ад правага краю праезнай часткі. Пры гэтым выезд далей 1 метра ад яе правага краю дапускаецца толькі для аб'езду перашкоды і ў дазволеных выпадках для павароту налева або развароту.
п. 153. Веласіпедысту і кіроўцу мапеда забараняецца:
п. 153.1. выкарыстоўваць тэхнічна няспраўныя веласіпеды і мапеды, а таксама абсталяваныя з парушэннем патрабаванняў тэхнічных нарматыўных прававых актаў;