Адкрыты конкурс дыджэяў "Дарогу маладым" абвешчаны ў Полацку, паведамілі карэспандэнту БЕЛТА ў прэс-службе Полацкага райвыканкама.
Адкрыты конкурс дыджэяў "Дарогу маладым" абвешчаны ў Полацку, паведамілі карэспандэнту БЕЛТА ў прэс-службе Полацкага райвыканкама.
Да ўдзелу запрашаюцца маладыя або пачаткоўцы дыджэі ўстаноў сярэдняй спецыяльнай і прафесійна-тэхнічнай адукацыі, прадпрыемстваў і арганізацый Полацка і раёна, а таксама проста жадаючыя ва ўзросце ад 16 да 31 года. Да конкурсу дапускаюцца тыя, хто грае музычныя сеты на абсталяванні cdj Pioneer любой мадэлі з выкарыстаннем кампакт-дыскаў. Вітаецца і харэаграфічнае суправаджэнне групы падтрымкі. Колькасць удзельнікаў у групе падтрымкі не абмежавана. Музычная праграма, якая прадастаўляецца для публічнага аўдыё-візуальнага прайгравання, не павінна перавышаць 30 хвілін.
Заяўкі на конкурс прымаюцца да 29 чэрвеня. Падвядзенне вынікаў адбудзецца 1 ліпеня на галоўнай сцэнічнай пляцоўцы Полацка падчас "Бітвы дыджэяў", якая пройдзе на моладзевай дыскатэцы "Моладзь - будучыня нашай краіны!", прысвечанай Дню моладзі. Кваліфікаванае журы шляхам закрытага галасавання назаве трох пераможцаў. Уладальніка прыза гледачовых сімпатый вызначаць з дапамогай галасавання непасрэдна падчас правядзення мерапрыемства.
Усіх пераможцаў чакаюць прызы.