Адкàзнасць за выпальванне сухой раслiннасцi

З надыходам вясны пачынаецца пажаранебяспечны перыяд, бо людзі пачынаюць наводзіць парадак вакол дамоў, спальваючы смецце і леташнюю траву. Кожны год ратавальнікі працягваюць выязджаць на сотні, а то і тысячы пажараў, звязаных з сезонным выпальваннем.

У 2022 годзе ў рэспубліцы адбылося 7990 пажараў у прыродных экасістэмах, загінулі 17 чалавек. З іх 7258 выпадкаў гарэння травы і кустоў на плошчы 1829,1 га. Асноўнымі прычынамі ўзгаранняў традыцыйна з'яўляюцца неасцярожнае абыходжанне з агнём, выпальванне сухой расліннасці, гэта значыць чалавечы фактар.

У Беларусі выпальванне сухой расліннасці забаронена законам. Згодна з артыкулам 16.40 Кодэкса аб адміністрацыйных правапарушэннях
за незаконнае выпальванне сухой расліннасці, травы на корані, а таксама стэрні і пажніўных рэшткаў на палях альбо непрыняцце мер па ліквідацыі выпалаў вінаватыя асобы прыцягваюцца да адміністрацыйнай адказнасці ў выглядзе штрафу ў памеры ад 10 да 30 базавых велічынь.
У адпаведнасці з артыкулам 16.41 за распальванне вогнішчаў у забароненых месцах прадугледжана накладанне штрафу да 12 базавых велічынь.
У выпадку прычынення шкоды ў асабліва буйным памеры наступае крымінальная адказнасць.

Пры выбары спосабу ўтылізацыі смецця лепш аддаваць прыярытэт бяспечным. Калі вы ўсё ж вырашылі распаліць вогнішча ў сябе на падворку, то не варта грэбаваць простымі мерамі засцярогі. Рабіць гэта трэба толькі ў бязветранае надвор'е. Вогнішчы лепш распальваць удалечыні ад будынкаў, лесу ці саломяных пукаў.

Асноўныя правілы пры распальванні вогнішчаў, спальванні смецця:

распальваць вогнішчы варта пры ўмове забеспячэння бесперапыннага кантролю за працэсам гарэння і тлення;

месца для распальвання вогнішчаў павінна быць ачышчана ад гаручых рэчываў і матэрыялаў, сухой расліннасці;

у даступнасці неабходна мець ёмістасць з вадой, пяском або вогнетушыцель, каб хутка патушыць полымя;

працэс гарэння павінен ажыццяўляцца такім чынам, каб полымя і іскры не траплялі на гаручыя элементы будынкаў, гаспадарчых пабудоў і збудаванняў, на гаручыя рэчывы і матэрыялы, што захоўваюцца;

сыходзячы, неабходна патушыць вуголле да поўнага спынення тлення.

Не дапускаецца:

выпальванне сухой расліннасці, сцярні;

развядзенне вогнішчаў на тарфяных грунтах, пад кронамі дрэў;

выкарыстанне для распальвання вогнішчаў і вугалю лёгкаўзгаральных і гаручых вадкасцей (за выключэннем вадкасцей, спецыяльна прызначаных для распальвання).

Яшчэ адна вясновая «праблема» – аматары адпачынку на прыродзе. Адпраўляючыся на «шашлыкі», людзі выбіраюць маляўнічыя мясціны.
Але, з'язджаючы, людзі забываюць патушыць вогнішча, пакідаюць бітае шкло, кідаюць у траву недакуркі. А бо любая занесеная звонку крыніца, напрыклад, недбайна кінуты недакурак на полі з сухой травой, правакуе ўзгаранні на значных плошчах. Порывам ветру агонь разносіцца на вялікія адлегласці, спальваючы ўсё на сваім шляху.

Каб адпачынак на прыродзе быў сапраўды бяспечным:

мангал або грыль выкарыстоўвайце толькі пры ўмове забеспячэння бесперапыннага кантролю за працэсам гарэння і тлення;

пры распальванні не выкарыстоўвайце гаручыя вадкасці;

не пакідайце ў месцах адпачынку непатушаныя вогнішчы, запалкі, недакуркі, шкляныя бутэлькі (на сонцы яны працуюць як павялічвальныя шкла, факусуюць сонечнае святло і падпальваюць траву).

Не праходзьце міма палаючай травы! Пры немагчымасці патушыць пажар сваімі сіламі паведамляйце аб узгараннях у МНС па нумары101
або 112.