16 лістапада, Віцебск /Дыяна Курыла - БЕЛТА/. Дэпутаты плануюць у 2012 годзе распрацаваць канцэпцыю закона аб электраэнергетыцы, паведаміў журналістам старшыня Пастаяннай камісіі па прамысловасці, паліўна-энергетычным комплексе, транспарце, сувязі і прадпрымальніцтве Палаты прадстаўнікоў Нацыянальнага сходу Сяргей Самашка. Ён прымае ўдзел у сумесным пасяджэнні Савета прамыслоўцаў і прадпрымальнікаў і прэзідыума Віцебскага абласнога савета прамыслоўцаў і прадпрымальнікаў, перадае карэспандэнт БЕЛТА. Канцэпцыя стане асновай закона, які пакладзе пачатак рэфармаванню беларускай энергасістэмы. Па словах Сяргея Самашкі, прадугледжваецца, што законам будзе прадугледжана раздзяленне функцый генерацыі, перадачы і збыту электраэнергіі. Рэфармаванне галіны прадугледжана стратэгіяй развіцця энергетычнага патэнцыялу Беларусі на перыяд да 2020 года, зацверджанай Саветам Міністраў. Змены будуць праходзіць у тры этапы да 2015 года. У адрозненне ад Расіі і Казахстана, дзе функцыі вытворчасці, перадачы і збыту электраэнергіі раздзелены, Беларусь у цяперашні час мае вертыкальна інтэграваную структуру: энергетычная вытворчасць не падзелена па відах дзейнасці. Змена структуры дазволіць запусціць эканамічныя механізмы зніжэння затрат і зрабіць галіну інвестыцыйна прывабнай. -0-

БЕЛТА