Чым цяплей становіцца, тым больш на вуліцах з'яўляецца веласіпедыстаў і кіроўцаў сродкаў персанальнай мабільнасці. Арэндныя самакаты ўжо актыўна выкарыстоўваюцца грамадзянамі, пры гэтым не заўсёды бяспечна.
Пасля сезоннага перапынку варта ўспомніць правілы перамяшчэння на такіх прыладах:на СПМ можна рухацца ў жылых зонах і па тратуарах са скорасцю не больш за 10 км/г, па веладарожках і праезнай частцы - да 25 км/г, за горадам - таксама да 25 км/г;
пры перасячэнні праезнай часткі кіроўцы СПМ і веласіпедысты абавязаны спешыцца;
дапускаецца не спешвацца пры перасячэнні праезнай часткі па веладарожным пераездзе з веласвятлафорам або спецыяльнай таблічкай, пры гэтым рухацца трэба са скорасцю пешахода, які ідзе крокам, і толькі пераканаўшыся ў бяспецы;
электрасамакатамі забаронена карыстацца дзецям да 14 гадоў без суправаджэння дарослых;
нельга ездзіць па тратуарах на прыладах масай больш за 35 кг;
забаронена кіраваць СПМ у стане ап'янення;
на адным СПМ можа перамяшчацца адзін чалавек.
Рэкамендуецца надзяваць ахоўны шлем і іншую экіпіроўку.
Пры руху ў цёмны час сутак на веласіпедзе або СПМ трэба ўключыць белы ліхтар спераду і чырвоны ззаду, надзець адзенне павышанай бачнасці.
Заўсёды будзьце ўважлівыя, глядзіце не толькі наперад, але і па баках, старайцеся прагназаваць дзеянні іншых удзельнікаў дарожнага руху.