Першыя гектары авёс пасеялі ва ўнітарным прадпрыемстве «Радуньскае» Аршанскага раёна

У сераду першыя гектары аўса пасеялі ва ўнітарным прадпрыемстве «Радуньскае» Аршанскага раёна

У сераду першыя гектары аўса пасеялі ва ўнітарным прадпрыемстве «Радуньскае» Аршанскага раёна. Як паведаміў намеснік старшыні Аршанскага райвыканкама Андрэй Канстанцінаў, пад ураджай 2020 года ў раёне пасеюць збожжавых і збожжавых бабовых культур 31 424 гектары. У поле выйдуць 548 трактароў, з іх 121 — энергонасычаны, 49 камбінаваных глебаапрацоўчых агрэгатаў і столькі ж збожжавых сеялак. У пасяўной кампаніі будуць задзейнічаны 520 механізатараў. Сваё плячо падставяць практыканты з навучальных устаноў аграрнага профілю, работнікі прамысловых прадпрыемстваў раёна.

Парадак на мехдвары — першая прыкмета паспяховай гаспадаркі. Гэта найлепшы паказчык жалезнай дысцыпліны, захавання тэхналогій і бяспекі работнікаў. А ў цэлым найважнейшы элемент эканомікі вёскі, бо без спраўнай тэхнікі немагчыма ў тэрмін правесці вясеннія палявыя работы і ўборачную, нарыхтаваць кармы.

На нарадзе аб падрыхтоўцы да сяўбы старшыня Віцебскага аблвыканкама Мікалай Шарснёў падкрэсліў, што час сыходзіць ад практыкі, калі ў поле выганяецца ўсё, што можа рухацца. Сфакусаваць увагу трэба на кожнай адзінцы энергонасычанай шыроказахватнай тэхнікі і даверыць яе допытнім механізатарам. Гэта дазволіць павысіць тэмп сяўбы і значна зэканоміць паліва. У сельгаспрадпрыемствах вобласці 700 глебаапрацоўчых пасяўных агрэгатаў і 360 сеялак розных відаў.

На 20 сакавіка гатоўнасць тэхнікі наступная, прыводзіць лічбы намеснік старшыні Камітэта па сельскай гаспадарцы і харчаванні Віцебскага аблвыканкама Міхаіл Прыдыбайла:

— Трактары гатовыя на 92 працэнты, па энергонасычаных з 1200 адзінак у рамонце засталося 30, на рухавіковым заводзе — 13 рухавікоў. Па астатняй тэхніцы сітуацыя такая: на 91 працэнт гатовыя плугі, пасяўныя агрэгаты — на 84, машыны для ўнясення арганічных і мінеральных угнаенняў — на 89 працэнтаў.

На падрыхтоўцы тэхнікі да сезона адбіваецца цяжкая фінансавая сітуацыя: пры патрэбе ў 30 мільёнаў на рамонтныя работы накіравана пакуль 8,3 мільёна рублёў. Непасрэдна перад пасяўной амаль усе раёны дадаткова выдзелілі ад 200 да 600 тысяч рублёў з бюджэту на набыццё запчастак, шын і камплектуючых. У цэлым парк сельгастэхнікі зношаны працэнтаў на 70, асабліва гэта тычыцца пасяўных агрэгатаў, большасць якіх працуе 10 гадоў і больш. Абнаўляцца неабходна мінімум на 10 працэнтаў штогод, а атрымліваецца — на два-тры.У беражлівых гаспадароў да сяўбы ўсё гатова. У СГП «Мазалавагаз» Віцебскага раёна цяпер прыводзяць у парадак агрэгаты, якія будуць задзейнічаны на нарыхтоўцы кармоў, кажа намеснік дырэктара па механізацыі Раман Хашкоўскі:

— У нас ёсць графік рамонту тэхнікі, ён няўхільна выконваецца. Тэхніка для вясенне-палявых работ адрамантавана на 100 працэнтаў.

З году ў год у гаспадарцы пасяўную і ўборачную паспяваюць правесці за 12 дзён. Тэхнічная аснашчанасць тут вырашае ўсё. У 2016 годзе ў «Мазалавагаз» адкрылі цэнтр тэхні

агальнага дыягнаставання, абслугоўвання, рамонту і захоўвання сельгастэхнікі. На плошчы каля двух гектараў размешчаны АЗС, пляцоўкі для захоўвання прычапной тэхнікі, прыстасаванняў і адаптараў, сэрвісны цэнтр, рамонтная майстэрня ў блоку з гаражом. Нават адзін год падаўжэння тэрміну службы тэхнікі дазваляе зэканоміць сродкі на набыццё новай у аб'ёме 217 тысяч рублёў. Нямала важна, што створаны камфортныя ўмовы для людзей.

У 2019-м у «Мазалавагаз» укаранілі тэхналогію дакладнага земляробства, кажа дырэктар сельгаспрадпрыемства Раман Бабаеў:

— Працэс апрацоўкі глебы, правядзення сяўбы і ўнясення мінеральных рэчываў цалкам аўтаматызаваны. За кошт новай тэхналогіі — памяншэння праходу, дакладнага ўнясення ўгнаенняў — мы на 15 працэнтаў знізілі затраты ў мінулым годзе.