25 красавіка, Віцебск /Кар. БЕЛТА/. ТАА "ІПЛ Комплекс" плануе ў ліпені-жнівень уводзіць у эксплуатацыю мытны склад і пункт мытнага афармлення на пляцоўцы ў раёне ААТ "Аршанскі авіярамонтны завод". Стварэнне зоны мытнага кантролю стане першым этапам рэалізацыі праекта па арганізацыі індустрыяльнага прамыслова-лагістычнага парка "Орша", паведаміў карэспандэнту БЕЛТА дырэктар па маркетынгу кампаніі Ігар Раеўскі.

Плошча склада складзе 900 кв.м, побач будзе абсталявана стаянка для грузавых аўтамабіляў на 100 месцаў. У двухпавярховым адміністрацыйным будынку ПТА плошчай каля 800 кв.м размесцяцца пост Аршанскай мытні і падраздзяленне РВУП "Белтарможсервіс". Развіццё мытнай інфраструктуры на пляцоўцы авіярамонтнага завода дазволіць ужо ў найбліжэйшы час ажывіць грузапаток, адзначыў суразмоўнік.

У адпаведнасці з канцэпцыяй развіцця лагістычнага парка, наступным этапам будзе асваенне бліжэйшай тэрыторыі плошчай 25 га. Па папярэдніх даных, на гэта спатрэбіцца каля $25 млн. На пляцоўцы прадугледжваецца будаўніцтва двух універсальных складскіх комплексаў па 20-22 тыс. кв.м кожны з карка-тэрміналамі, якія дазваляюць апрацоўваць авіяцыйныя грузы, і адміністрацыйнымі прыбудовамі (па 2 тыс. кв.м). Тут жа плануецца ўзвесці будынак прамысловага прызначэння (каля 14 тыс. кв.м) пад размяшчэнне зборачных вытворчасцей тавараў народнага спажывання. Цяпер прапрацоўваюцца пытанні выбару генеральнага праекціроўшчыка на гэту пляцоўку і генеральнага падрадчыка, пры гэтым з улікам высокай фінансавай ёмістасці праекта перавага будзе аддавацца партнёру з адкрытай лініяй экспартнага фінансавання.

А

Стварэнне індустрыяльнага прамыслова-лагістычнага парка ў Оршы было адной з умоў прыватызацыі Аршанскага авіярамонтнага завода і прадугледжана Рэгіянальнай праграмай інвестыцыйнага і інавацыйнага развіцця Віцебскай вобласці на 2011-2015 гады. ТАА "ІПЛ Комплекс" выступае дэвелаперам праекта. Кампанія была спецыяльна заснавана для гэтага ўласнікамі авіярамонтнага завода (украінскім ПАТ "Матор-Січ" і беларускім ЗАТ "Сістэмы інвестыцый і інавацый") і зарэгістравана ў якасці рэзідэнта СЭЗ "Віцебск".-0-

Навіны Беларусі (БЕЛТА)