6 жніўня, Віцебск /Вольга Багачова - БЕЛТА/. Першымі ў Віцебскай вобласці 1 тыс. т збожжа сярод маладзёжных экіпажаў намалацілі камбайнеры з Верхнядзвінскага раёна, паведамілі карэспандэнту БЕЛТА ў Віцебскім абласным камітэце прафсаюза работнікаў аграпрамысловага комплексу. Тандэм Сяргея Гапановіча і Аляксея Пілюшына з ААТ "Прудзінкі" на вечар 4 жніўня першым у вобласці на камбайне КЗС-1218 намалаціў тысячу тон збожжа, убраўшы збожжавыя з 267 га. Летась іх каманда таксама стала лідарам абласнога вытворчага спаборніцтва сярод маладзёжных экіпажаў. На раніцу 6 жніўня, у кагорту перадавікоў жніва ў Віцебскай вобласці ўваходзяць чатыры экіпажы, якія пераадолелі тысячны рубеж намалоту збожжа. Акрамя вышэйназванай каманды, гэта Уладзімір Лаўцэвіч і Павел Шульгат з ААТ "Докшыцкі райаграсэрвіс", Пётр Духовіч і Артур Лейка з СВФ "Заазер'е" Лепельскага раёна і Аляксандр Зябко з КУСГП "Чашніцкае". У Віцебскай вобласці ўбрана 202,6 тыс. га збожжавых, або 41,5% плошчаў. Намалочана амаль 659 тыс. т збожжа, сярэдняя ўраджайнасць 32,5 ц/га.

БЕЛТА