Найбольш уразлівымі ўдзельнікамі дарожнага руху па-ранейшаму застаюцца пешаходы і веласіпедысты. Аналіз аварыйнасці паказвае павелічэнне колькасці ДТЗ з удзелам апошніх. Таксама часцей сустракаюцца выпадкі траўматызму людзей, якія перасоўваюцца на сродках персанальнай мабільнасці.
Для ўстаранення прычын і ўмоў дарожна-транспартнага траўматызму і фарміравання ўзаемнаветлівых адносін паміж удзельнікамі дарожнага руху з 4 па 14 ліпеня ДАІ правядзе рэспубліканскую прафілактычную акцыю "Рух па правілах!".
У гэты перыяд будзе арганізавана маштабная прафілактычная кампанія па пытаннях бяспечных паводзін, асабліва на пешаходных пераходах, па тлумачэнні патрабаванняў Правілаў дарожнага руху ў частцы перамяшчэння на веласіпедах і сродках персанальнай мабільнасці.
Нарады ДПС будуць набліжаны да пешаходных пераходаў. У межах штодзённага нагляду за дарожным рухам і пры правядзенні рэйдавых мерапрыемстваў інспектары пракантралююць выкананне ПДР веласіпедыстамі і асобамі на сродках персанальнай мабільнасці, а таксама кіроўцамі ў частцы прадастаўлення перавагі ў руху названым катэгорыям.