Пестыцыды і аграхімікаты – праца з імі

Пестыцыды, аграхімікаты таксічныя для чалавека і жывёл і пры парушэнні правілаў тэхнікі бяспекі могуць стаць прычынай атручвання. Варта памятаць, што ад правільнасці правядзення работ з пестыцыдамі і аграхімікатамі залежыць здароўе не толькі тых, хто працуе з імі, але і ўсяго насельніцтва. Таму кожны павінен добра ведаць усе тэхналагічныя і санітарныя рэжымы выконваемых работ.

Суб'екты гаспадарання абавязаны інфармаваць насельніцтва аб часе і месцы правядзення работ па апрацоўцы пестыцыдамі (за 4-5 сутак) праз радыё, тэлебачанне, газеты, аб'явы ў населеных пунктах і іншыя сродкі інфармацыі. Для насельніцтва на мяжы участкаў выстаўляюцца адзіныя знакі бяспекі. Пры наземным апырскванні пестыцыдамі (сродкамі аховы раслін), аграхімікатамі і мінеральнымі ўгнаеннямі санітарныя разрывы ад населеных пунктаў, крыніц пітнога і санітарна-бытавога водакарыстання, месцаў адпачынку насельніцтва і месцаў правядзення ручных работ па доглядзе за сельскагаспадарчымі культурамі павінны складаць не менш за 50 метраў.

Пры правядзенні «ахоўных» работ павінна ўлічвацца «руза вятроў» і магчымасць змены напрамку паветраных патокаў з мэтай выключэння забруджвання пестыцыдамі атмасфернага паветра, вадаёмаў у месцах знаходжання людзей (селібная зона, месцы адпачынку, летнія аздараўленчыя ўстановы, крыніцы водазабеспячэння насельніцтва).

Вытворчае навучанне па працы з пестыцыдамі праводзіць спецыяліст па ахове раслін, аграном. Усе, хто працуе з пестыцыдамі і аграхімікатамі, павінны прайсці медыцынскі агляд. Мэта медыцынскіх аглядаў - паглыбленае абследаванне стану здароўя і выдача заключэння аб магчымасці выкарыстання абследаваных на сельскагаспадарчых работах. Без медаглядаў або калі ёсць медыцынскія проціпаказанні да працы, не дапускаюцца. Да працы з пестыцыдамі і аграхімікатамі не дапускаюцца дзеці і падлеткі, жанчыны дзетароднага ўзросту.

Персанал, які непасрэдна ўдзельнічае ў арганізацыі і выкананні

работ па ўжыванні, транспарціроўцы, захоўванні і рэалізацыі пестыцыдаў і аграхімікатаў, павінен мець спецыяльнае гігіенічнае навучанне. Таксама павінны прайсці інструктаж па тэхніцы бяспекі з рэгістрацыяй у спецыяльным часопісе. За арганізацыю правядзення навучання персаналу нясе адказнасць кіраўнік суб'екта гаспадарання. пляцоўкі для адпачынку і прыёму ежы арганізуюцца не бліжэй 200 метраў ад мяжы апрацоўванай пляцоўкі і іншых месцаў прымянення пестыцыдаў. Месцы адпачынку і прыёму ежы абсталёўваюцца бачком пітной вады, рукамыйніцай з мылам, аптэчкай першай дамедыцынскай дапамогі і індывідуальным ручніком. Падчас работ забараняецца есці, піць, паліць, здымаць сродкі індывідуальнай абароны. Асобы, якія правяраюць эфектыўнасць прымянення пестыцыдаў (пасля апрацоўкі) павінны быць у СІЗ.

Перавозіць пестыцыды трэба ў спецыяльна абсталяваным транспарце ў надзейнай спраўнай тары. Асобе, якая суправаджае, дазваляецца знаходзіцца толькі ў кабіне машыны. Разам з пестыцыдамі нельга транспартаваць іншыя грузы, не дазваляецца прыпынак аўтатранспарту ў населеных пунктах. Калі ў дарозе парушыцца спраўнасць тары, рассыпаныя або разлітыя пестыцыды неабходна збяспечыць.

Захоўваць пестыцыды ў гаспадарках дазваляецца толькі ў спецыяльна пабудаваных складах або прыстасаваных памяшканнях, размешчаных у сухіх месцах удалечыні ад жылых памяшканняў, крыніц водазабеспячэння, жывёлагадоўчых ферм. У памяшканнях павінна быць мінімум 2 аддзяленні: адно для захоўвання і выдачы, другое – захоўванне спецадзення, сродкаў індывідуальнай абароны, тут знаходзіцца рукамыйніца, мыла, ручнік, аптэчка для аказання першай дамедыцынскай дапамогі. Склады павінны быць забяспечаны першаснымі сродкамі пажаратушэння.

Асноўная мера прафілактыкі атручванняў пестыцыдамі – выкананне правіл асабістай гігіены. Перад прыёмам ежы неабходна зняць спецадзенне, сродкі індывідуальнай абароны, вымыць рукі, твар і прапаласкаць рот. Нельга спецадзенне выкарыстоўваць у хатніх умовах (прыходзіць у ёй дадому).

Працуючым з пестыцыдамі рэкамендуецца ежа, багатая бялкамі і вітамінамі (тварог, мяса, гародніна, садавіна). Прымаць ежу трэба не менш за 3 разы на суткі. У дні працы з пестыцыдамі персанал у адпаведнасці з заканадаўствам атрымлівае ў прафілактычных мэтах малако або раўнацэнныя харчовыя прадукты.

Склады – складаць на паддонах і стэлажах. Нельга захоўваць пестыцыдынавалом. На кожнай упаковачнай адзінцы павінна быць тарна этыкетка. Вадкія і парашкападобныя прэпараты захоўваюцца асобна. Памяшканне – ажыццяўляць скразное праветрыванне. Мяшкі з пратручаным збожжам прамаркіраваны «Патручана». Машыны – перад выездам праверыць правільнасць зборкі вузлоў машыны, апрабаваць машыну ў працоўным стане, выкарыстоўваючы ў якасці працоўнага раствора чыстую ваду. Забаронена працаваць без СІЗ. Машыны павінны быць абсталяваны бачком з вадой, мылам, аптэчкай.