15 чэрвеня, Віцебск /Дзіяна Курыла - БЕЛТА/. Пятая частка прадукцыі адкрытага акцыянернага таварыства "Віцязь" з'яўляецца інавацыйнай, паведамілі карэспандэнту БЕЛТА ва ўпраўленні эканомікі Віцебскага гарвыканкама. Сярод новых распрацовак прадпрыемства ў гарвыканкаме назвалі тэлевізары каляровага выяўлення LCD і LED, цюнеры наземнага і кабельнага тэлебачання, цеплавентылятары, апараты квантавай тэрапіі, паравыя стэрылізатары, бартавыя сістэмы тэхнічнага абслугоўвання, рэгістратары параметраў трываласці. За 5 месяцаў 2012 года ўдзельная вага інавацыйнай прадукцыі ўзрасла да 22,2%, яе вытворчасць склала Br52 млрд. супраць Br42,8 млрд., выпушчаных у студзені-красавіку. ААТ "Кераміка" нарошчвае вытворчасць інавацыйнай прадукцыі - керамічных порыстых поласных блокаў. За 4 месяцы бягучага года выраблена 2674 тыс. штук умоўнай цэглы, у той час як за ўвесь 2011 год такой прадукцыі было выраблена 2598 тыс. штук умоўнай цэглы. У выніку ўдзельная вага інавацыйнай прадукцыі павялічылася больш чым у 2 разы. У ААТ "Віцебскія дываны" ўзрасла вытворчасць інавацыйнай прадукцыі за кошт выпуску і адгрузкі дываноў і жакардавых двухпалатных дарожак з паўваўнянай пражы і сінтэтычнай з утрыманнем высокаусадлівых валокнаў канекарон, прашыўных дыванкоў з друкаваным малюнкам на гумавай аснове, дываноў і жакардавых двухпалатных дарожак "шэгі". Унітарнае прадпрыемства "Полімерканструкцыя" з пачатку года павялічыла ўдзельную вагу інавацыйнай прадукцыі да 60% за кошт выпуску шчыліннага дрэнажу і аэратара. Па дадзеных гарвыканкама, за студзень-красавік бягучага года ўдзельная вага адгружанай інавацыйнай прадукцыі прамысловымі прадпрыемствамі ў агульным аб'ёме адгружанай прадукцыі склала 15,7%. З 84 прадпрыемстваў горада 60 выпускаюць інавацыйную прадукцыю.-0-

БЕЛТА