Платныя дамы-інтэрнаты павышанай камфортнасці плануецца стварыць у Беларусі ў 2011-2015 гадах

4 студзеня, Мінск /Аксана Шыкуць - БЕЛТА/. Дамы-інтэрнаты малой умяшчальнасці і павышанай камфортнасці, у якіх паслугі будуць прадастаўляцца на платнай аснове, плануецца стварыць у Беларусі ў 2011-2015 гадах. Аб гэтым паведаміў намеснік міністра працы і сацыяльнай абароны Валяр'ян Караль сёння на прэс-канферэнцыі, перадае карэспандэнт БЕЛТА. Стварэнне ў краіне стацыянарных устаноў сацыяльнага абслугоўвання новага тыпу прадугледжана Комплекснай праграмай развіцця сацыяльнага абслугоўвання на 2011-2015 гады, якая ўключае падпраграму "Развіццё стацыянарных устаноў сацыяльнага абслугоўвання". Дамы-інтэрнаты малой умяшчальнасці і павышанай камфортнасці будуць стварацца як за кошт новага будаўніцтва, так і перапрафілявання ўжо наяўных будынкаў, удакладніў Валяр'ян Караль. Плануецца, што дамы-інтэрнаты будуць з палепшанымі ўмовамі пражывання, даглядаць за пастаяльцамі будуць, у тым ліку, па індывідуальнай праграме, з улікам патрэб кожнага чалавека. Пры гэтым намеснік міністра не выключыў магчымасці стварэння падобных устаноў за кошт прыватных інвестараў. Валяр'ян Караль адзначыў, што аналіз тэндэнцый у адносінах да насельніцтва ва ўзросце 60 гадоў і старэй паказвае, што ў рэспубліцы ўзрастае колькасць пажылых людзей і што старэння насельніцтва праходзіць больш інтэнсіўна. Хуткімі тэмпамі павялічваецца і колькасць самотных або пражываючых асобна ад дзяцей і сваякоў людзей старэйшыя за працаздольны ўзрост. У цяперашні час у рэспубліцы пражываюць каля 2,1 млн. пажылых (21,4% усяго насельніцтва краіны). Па прагнозе, да 2015 года іх колькасць узрасце да 24%. "Таму адным з праяўленняў клопату дзяржавы аб грамадзянах пажылога ўзросту з'яўляецца функцыянаванне ў краіне стацыянарных устаноў сацыяльнага абслугоўвання, прызначаных для жыцця ў іх пажылых і непрацаздольных людзей", - падкрэсліў намеснік міністра. У рэспубліцы функцыянуе 74 дамы-інтэрнаты для састарэлых і інвалідаў, у якіх пражывае 17,3 тыс. чалавек, у тым ліку 20 такіх устаноў - для састарэлых і інвалідаў, Рэспубліканскі інтэрнат ветэранаў вайны і працы на 180 месцаў, 44 - псіханеўралагічныя, 9 - для дзяцей-інвалідаў з асаблівасцямі псіхафізічнага развіцця.

Для абслугоўвання гэтай катэгорыі насельніцтва ў стацыянарных установах створана сістэма медыка-сацыяльнай дапамогі. Пастаянна ўмацоўваецца матэрыяльна-тэхнічная база, праводзіцца значная работа па паляпшэнні медыцынскага, побытавага і культурнага абслугоўвання, ствараюцца ўмовы для адпачынку, пасільнай працы і аздараўлення. Аднак патрэба ў стацыянарным сацыяльным абслугоўванні захоўваецца. Найбольш вострай праблемай прадстаўнік ведамства назваў патрэбу ў сацыяльным абслугоўванні людзей з асаблівасцямі псіхафізічнага развіцця, якія ствараюць небяспеку для пражывання ў сем'ях. Для вырашэння існуючых праблем пастановай Саўміна №1229 ад 28 верасня 2007 года зацверджана Праграма развіцця і аптымізацыі сеткі ўстаноў сацыяльнага абслугоўвання да 2011 года, на рэалізацыю мерапрыемстваў якой прадугледжана Br171,1 млрд., у тым ліку па стацыянарных установах – Br139,9 млрд. З пачатку рэалізацыі мерапрыемстваў праграмы створана 1178 месцаў, зменшана чарга на пасяленне ў дамы-інтэрнаты з 1370 чалавек да 671, прыведзены плошчы жылых памяшканняў у адпаведнасць з устаноўленымі санітарнымі нормамі (7 кв.м на аднаго чалавека) у дзевяці стацыянарных установах з 17 (53%). Нягледзячы на праводзімую работу, засталіся нявырашанымі асноўныя задачы (ліквідацыя чаргі на пасяленне ў стацыянарныя ўстановы і прывядзенне плошчы жылых памяшканняў у адпаведнасць з устаноўленымі нормамі). Для вырашэння гэтых і іншых задач развіцця сацабслугоўвання зацверджана Комплексная праграма развіцця сацыяльнага абслугоўвання на 2011-2015 гады, растлумачыў Валяр'ян Караль. Агульны аб'ём фінансавання праграмы – больш Br291 млрд. За гэты перыяд прадугледжваецца ліквідаваць чаргу на пасяленне ў дамы-інтэрнаты, прывесці плошчы жылых памяшканняў у адпаведнасць з устаноўленымі санітарнымі нормамі, умацаваць матэрыяльна-тэхнічную базу ўстаноў.-0-

БЕЛТА