Па выніках пяці дзён рэспубліканскіх спаборніцтваў лепельскія "Пантэры" вяртаюцца дадому з вялікай узнагародай. Каманда валейбалістак з гімназіі стала сярэбраным прызёрам.

  Адзначым, спаборніцтвы праходзілі ў Мінску ў рамках спартыўна-масавых мерапрыемстваў «Фізічная культура і спорт – заклік часу!».

  За першыя месцы нашы спартсменкі гулялі з камандамі з Жодзіна і Гомеля, саперніцы былі годнымі. Гульні прайшлі на высокім арганізацыйным узроўні, і гэта было сапраўднае спартыўнае свята. Нашы дзяўчаты – вялікія малайцы! – пракаментаваў трэнер каманды «Пантэры» Уладзімір Плігоўка.

  Віншуем лепельчанак з удалым выступленнем і жадаем далейшых спартыўных поспехаў!