Па выніках работы

Разгледжаны крымінальныя справы на выязных судовых пасяджэннях у дачыненні да жыхароў Лепельскага раёна, якія незаконна набывалі і захоўвалі небяспечныя наркатычныя рэчывы.
У ходзе папярэдняга і судовага следства ўстаноўлена, што жыхар в. Бароўка шляхам куплі, наўмысна, незаконна, без мэты збыту набыў часціцы рэчыва расліннага паходжання зялёнага колеру, масай 0,0028 грам, якое з'яўляецца небяспечным наркатычным сродкам – марыхуанай, пасля чаго захоўваў дадзенае рэчыва ў хмызняках паблізу адміністрацыйнага будынка.
Судом Лепельскага раёна з улікам меркавання дзяржаўнага абвінаваўцы жыхар в. Бароўка прызнаны вінаватым у здзяйсненні злачынства, прадугледжанага ч. 1 арт. 328 КК Рэспублікі Беларусь, і прызначана пакаранне ў выглядзе абмежавання волі без накіравання ў папраўчую установу адкрытага тыпу тэрмінам на 2 гады 6 месяцаў.
Таксама ў дачыненні да іншага жыхара в. Бароўка разгледжана крымінальная справа, у ходзе якой устаноўлена, што мужчына шляхам куплі, наўмысна, незаконна, без мэты збыту набыў часціцы рэчыва расліннага паходжання зялёна-карычневага колеру, масай 0,1503 грам, якое з'яўляецца небяспечным наркатычным сродкам – марыхуанай, пасля чаго захоўваў дадзенае рэчыва ў сябе ў кватэры.
Судом Лепельскага раёна з улікам меркавання дзяржаўнага абвінаваўцы мужчына прызнаны вінаватым у здзяйсненні злачынства, прадугледжанага ч. 1 арт. 328 КК Рэспублікі Беларусь, і прызначана пакаранне ў выглядзе абмежавання волі без накіравання ў папраўчую ўстанову адкрытага тыпу тэрмінам на 2 гады.
У дачыненні да асобы, якая збыла вышэйназваныя наркатычныя рэчывы, узбуджана крымінальная справа па факце збыту небяспечнага наркатычнага рэчыва, у цяперашні час праводзіцца папярэдняе расследаванне.

Праведзена праверка выканання патрабаванняў заканадаўства аб ідэнтыфікацыі, рэгістрацыі, прасочвальнасці сельскагаспадарчых жывёл (пагалоўя), ідэнтыфікацыі і прасочвальнасці прадуктаў жывёльнага паходжання

Пракуратурай Лепельскага раёна праведзена праверка выканання патрабаванняў заканадаўства аб ідэнтыфікацыі, рэгістрацыі, прасочвальнасці сельскагаспадарчых жывёл (કરણь), ідэнтыфікацыі і прасочвальнасці прадуктаў жывёльнага паходжання.
У ходзе праверкі ўстаноўлена, што ў гаспадарках ААТ «Ладосна», КУПСП «Лепельскае», ААТ «Лядна», ААТ «Чарейшчына», КСУП «Лепельчанка» не забяспечана прабіркаванне пагалоўя жывёлы, не пачата праца па ўнясенні інфармацыі ў рэестр, рэгістрацыя сельскагаспадарчых жывёл буйной рагатай жывёлы, названыя парушэнні перашкаджаюць стварэнню ўмоў, якія забяспечваюць атрыманне дакладных звестак аб сельскагаспадарчых жывёлах (કરણь) і прадуктах жывёльнага паходжання ў сельскагаспадарчых арганізацыях Лепельскага раёна. Па выніках праверак пракуратурай раёна ўнесены прадпісанні ва ўказаныя вышэй гаспадаркі, а таксама пракурорам раёна ўзбуджаны дысцыплінарныя вытворчасці ў дачыненні да кіраўнікоў, якія не забяспечылі выкананне патрабаванняў заканадаўства.

Праведзена праверка выканання нарматыўных патрабаванняў пры падрыхтоўцы збожжаўборачнай тэхнікі да ўборачнай кампаніі

Пракуратурай раёна праведзена праверка выканання нарматыўных патрабаванняў пры падрыхтоўцы збожжаўборачнай тэхнікі да ўборачнай кампаніі, у ходзе якой устаноўлена, што ў некаторых гаспадарках Лепельскага раёна (ААТ «Ладосна», КУПСХП «Лепельскае», СПП «Прадзектар», СПФ «Заазёр'е») не забяспечана гатоўнасць наяўнай тэхнікі для правядзення ўборачнай кампаніі, што можа пацягнуць бязгаспадарнасць і нерацыянальнае выкарыстанне сельгастэхнікі. Пракурорам раёна ўнесены прадпісанні аб ліквідацыі выяўленых парушэнняў заканадаўства, па выніках разгляду якіх сельскагаспадарчая тэхніка падрыхтавана да выхаду на поле для правядзення ўборкі сельскагаспадарчых культур.

Старшы памочнік пракурора
Лепельскага раёна Ю.П.Лабуць