Пад асаблівым кантролем - маршруткі

З 8 па 10 ліпеня Дзяржаўтаінспекцыя праводзіць комплекс прафілактычных мерапрыемстваў, накіраваных на павышэнне бяспекі перавозак пасажыраў маршрутнымі мікрааўтобусамі.
У ходзе раней праведзенага мерапрыемства ў сакавіку выяўлена 1290 правапарушэнняў, з якіх 449 (35%) звязаны з парушэннямі выкарыстання рамянёў бяспекі.
Ва ўказаныя дні супрацоўнікі ДАІ арганізуюць штодзённы кантроль за выкананнем ПДР кіроўцамі, якія ажыццяўляюць перавозку пасажыраў у рэгулярных зносінах.
Асноўную ўвагу інспектары накіруюць на спыненне грубых парушэнняў Правілаў дарожнага руху: кіраванне транспартам у стане ап'янэння, невыкананне ўстаноўленай хуткасці, перавозка пасажыраў, не прышпіленых рамянямі бяспекі ў міжгародніх і прыгарадных зносінах, няспраўным транспартам альбо пры ўмове, калі ўдзел у дарожным руху забаронены.
Напамінаем аб адказнасці перавозчыкаў за жыццё і здароўе пасажыраў, а таксама неабходнасці строгага выканання ўстаноўленых Правілаў усімі ўдзельнікамі дарожнага руху.