7 ліпеня, Мінск /Кар. БЕЛТА/. Структурныя падраздзяленні дэпартамента дзяржаўнай інспекцыі працы Міністэрства працы і сацыяльнай абароны Беларусі ў ліпені правядуць 60 выязных прыёмных у рэгіёнах Беларусі, паведамілі карэспандэнту БЕЛТА ў міністэрстве. У асноўным выязныя прыёмы грамадзян па пытаннях заканадаўства аб працы і ахове працы будуць праходзіць у будынках раённых, гарадскіх і сельскіх выканкамаў, на базе прадпрыемстваў і арганізацый. У ліку месцаў правядзення акцыі - рынкі, райпо, прыватныя прадпрыемствы. Графік выязных прыёмных размешчаны на сайце Міністэрства працы і сацыяльнай абароны з указаннем даты і месца правядзення, прозвішчаў і пасад адказных асоб, якія будуць весці прыём грамадзян. Такая форма работы з насельніцтвам была ўведзена ў рэспубліцы ў верасні мінулага года. Гэта дазваляе жыхарам розных рэгіёнаў краіны абмеркаваць свае праблемы са спецыялістамі, атрымаць кваліфікаваную дапамогу, падкрэслілі ў міністэрстве.-0-

БЕЛТА