Падведзены вынікі за паўгоддзе ў Лепельскім РАУС: стабільнасць у бяспецы і рост некаторых злачынстваў
Па выніках работы за 6 месяцаў бягучага года прымаемыя меры арганізацыйнага і практычнага характару дазволілі захаваць кантроль над аператыўнай абстаноўкай у раёне, не дапусціць здзяйснення на тэрыторыі Лепельскага раёна рэзанансных злачынстваў, забяспечыць грамадскую бяспеку і правапарадак.
Не дапушчана за бягучы перыяд здзяйснення: наўмысных прычыненняў цяжкіх цялесных пашкоджанняў (2024 год – 1), згвалтаванняў, вымагальніцтваў, рабаванняў (2024 год – 3), разбояў, крадзяжоў з адзення і ручной паклажы, аўтамабіляў, крадзяжоў мабільных тэлефонаў (2024 год – 3), угонаў аўтатранспарту. Станоўчая дынаміка дасягнута па накіраванні грамадзян у лячэбна-працоўныя прафілакторыі – у першым паўгоддзі накіравана 16 асоб (2024 год – 15).
На тым жа ўзроўні застаецца колькасць злачынстваў, якія адносяцца да катэгорыі цяжкіх і асабліва цяжкіх – 15. Разам з тым, на працягу першага паўгоддзя ў дынаміцы стану злачыннасці захоўваецца негатыўная тэндэнцыя павелічэння агульнай колькасці зарэгістраваных злачынстваў (+17,9 працэнта, з 84 да 99). Узровень злачыннасці на 10 тысяч насельніцтва склаў 32,9 працэнта, што крыху ніжэй за сярэднеабласны паказчык. Узрасла колькасць злачынстваў, здзейсненых: непаўналетнімі (з 1 да 5); групай асоб (з 2 да 4); у стане алкагольнага ап'янення (з 16 да 19); у грамадскіх месцах (з 5 да 19); асобамі, раней асуджанымі (з 17 да 23). Акрамя гэтага, зарэгістраваны рост крадзяжоў – з 18 да 28. У маі-чэрвені бягучага года рэзка ўзрасла колькасць хуліганстваў (з 1 да 4), усе падазроныя ўстаноўлены. Што тычыцца стану дарожнай бяспекі: ускладнілася абстаноўка на дарогах раёна. У 2025 годзе дапушчана 6 дарожна-транспартных здарэнняў (2024 год – 5), у якіх 3 чалавекі загінула (2024 год – 0) і 7 чалавек паранена (2024 год – 5). Зафіксаваны рост колькасці ДТЗ: з удзелам непаўналетніх (з 0 да 2), па прычыне выезду на паласу сустрэчнага руху (з 1 да 2), невыканання чарговасці праезду скрыжаванняў (з 0 да 2), у выніку наезду на жывёлу (з 0 да 1). За бягучы перыяд 2025 года на тэрыторыі Лепельскага раёна на аб'ектах чыгуначнага транспарту злачынстваў не зафіксавана.