Парадак устаноўкі на дахах і фасадах шматкватэрных жылых дамоў індывідуальных антэн і іншых канструкцый

Ініцыятар устаноўкі індывідуальных антэн і іншых канструкцый (далей – ініцыятар) – грамадзянін (уласнік жылога і (або) нежылога памяшкання, наймальнік жылога памяшкання), грамадзянін, які з’яўляецца членам арганізацыі забудоўшчыкаў (далей – грамадзянін), а таксама юрыдычная асоба або індывідуальны прадпрымальнік, якія ініцыююць устаноўку на дахах і фасадах шматкватэрных жылых дамоў індывідуальных антэн і іншых канструкцый.

Самавольная устаноўка індывідуальных антэн і іншых канструкцый – гэта ўстаноўка на дахах і фасадах шматкватэрных жылых дамоў індывідуальных антэн і іншых канструкцый, за выключэннем канструкцый для сушкі бялізны, праведзеная без узгаднення структурнага падраздзялення мясцовага выканаўчага і распарадчага органа, які ажыццяўляе дзяржаўна-ўладныя паўнамоцтвы ў галіне архітэктурнай, горадабудаўнічай і будаўнічай дзейнасці на тэрыторыі адміністрацыйна-тэрытарыяльнай адзінкі (далей – тэрытарыяльнае падраздзяленне архітэктуры і горадабудаўніцтва).

Парадак атрымання ўзгаднення

Згодна з п.4 Палажэння для атрымання ўзгаднення на ўстаноўку індывідуальных антэн і іншых канструкцый грамадзянін — ініцыятар дадзенага мерапрыемства — падае ў тэрытарыяльнае падраздзяленне архітэктуры і горадабудаўніцтва заяву і прадстаўляе дакументы, пералічаныя ў п. 1.15.1 пераліку адміністрацыйных працэдур для грамадзян. Адзначым, што акрамя заявы ў дадзеным падпункце пазначаны толькі тэхнічны пашпарт і дакумент, які пацвярджае права ўласнасці на памяшканне, — для ўласніка памяшкання. Дадзеная адміністрацыйная працэдура ажыццяўляецца бясплатна на працягу 15 дзён з дня падачы заявы.

У сваю чаргу, для атрымання ўзгаднення на ўстаноўку індывідуальных антэн і іншых канструкцый ініцыятар — юрыдычная асоба або ІП падаюць у тэрытарыяльнае падраздзяленне архітэктуры і горадабудаўніцтва заяву і прадстаўляюць дакументы, пазначаныя ў п. 8.3.2 адзінага пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі ў дачыненні да юрыдычных асоб і індывідуальных прадпрымальнікаў, зацверджанага пастановай Савета Міністраў Рэспублікі Беларусь ад 17.02.2012 № 156 (далей — пералік адміністрацыйных працэдур для юрыдычных асоб і ІП), які таксама ў выніку прыняцця пастановы № 180 зведаў змены. Акрамя заявы, у гэтым спісе:

- копія дакумента, які пацвярджае дзяржаўную рэгістрацыю юрыдычнай асобы або ІП;

- тэхнічны пашпарт і дакумент, які пацвярджае права ўласнасці, права гаспадарчага вядзення або аператыўнага кіравання на памяшканне, – для ўласніка, уладальніка права гаспадарчага вядзення, аператыўнага кіравання на памяшканне.

Адміністрацыйная працэдура, як і ў выпадку з грамадзянамі, ажыццяўляецца таксама на працягу 15 дзён з дня падачы заявы і таксама бясплатна.

Палажэннем вызначана, што на падставе дакументаў, прадстаўленых ініцыятарам, тэрытарыяльнае падраздзяленне архітэктуры і горадабудаўніцтва ўзгадня

— прадстаўленне ініцыятарам дакументаў і (або) звестак, якія не адпавядаюць патрабаванням заканадаўства, у тым ліку падложных, падробленых або несапраўдных дакументаў;

— зніжэнне ў выніку ўстаноўкі індывідуальных антэн і іншых канструкцый прыдатнасці шматкватэрнага жылога дома да эксплуатацыі і ўзнікненне пагрозы абвальвання яго канструкцый;

— забарона мясцовым выканаўчым і распарадчым органам устаноўкі індывідуальных антэн і іншых канструкцый на фасадах шматкватэрных жылых дамоў, унесеных у Дзяржаўны спіс гісторыка-культурных каштоўнасцей Рэспублікі Беларусь, а таксама на фасадах шматкватэрных жылых дамоў, якія выходзяць на галоўныя вуліцы і плошчы, пералік якіх вызначаецца мясцовым выканаўчым і распарадчым органам.

Не ўдаючыся ў падрабязнасці, якія ўжо не маюць значэння, адзначым толькі, што гэты спіс таксама скараціўся.

Як і раней, Палажэнне прадастаўляе ініцыятару права абскардзіць адмову тэрытарыяльнага падраздзялення архітэктуры і горадабудаўніцтва ў узгадненні ўстаноўкі індывідуальных антэн і іншых канструкцый у вышэйстаячы орган і (або) у суд у адпаведнасці з заканадаўствам (п. 7).

Парадак вытворчасці работ

Згодна з п. 8 Палажэння на падставе атрыманага ўзгаднення ініцыятар заключае дагавор з юрыдычнай асобай або ІП, якая ажыццяўляе мантаж індывідуальных антэн і іншых канструкцый.

Устаноўлена, што ў выпадку пашкоджання інжынерных сістэм шматкватэрнага жылога дома, з'яўлення дэфармацый, расколін і іншых змен у нясучых і агароджваючых канструкцыях шматкватэрнага жылога дома работы па ўстаноўцы індывідуальных антэн і іншых канструкцый спыняюцца і прымаюцца меры па недапушчэнні ўзмацнення гэтых дэфармацый і змен, а таксама неадкладна інфармуецца арганізацыя, якая ажыццяўляе эксплуатацыю жыллёвага фонду і (або) прадастаўляе жыллёва-камунальныя паслугі. Выяўленыя пашкоджанні і іх наступствы ўстараняюцца за кошт сродкаў асоб, якія дапусцілі такія пашкоджанні.

Пунктам 10 Палажэння ўстаноўлена, што ініцыятар абавязаны:

- утрымліваць устаноўленыя індывідуальныя антэны і іншыя канструкцыі ў тэхнічна спраўным стане і своечасова выконваць работы па іх рамонце. Няспраўныя індывідуальныя антэны і іншыя канструкцыі падлягаюць дэмантажу;

- пры выяўленні ў працэсе эксплуатацыі парушэнняў патрабаванняў тэхнічных нарматыўных прававых актаў, дапушчаных пры ўстаноўцы індывідуальных антэн і

іншых канструкцый, прыняць меры па ліквідацыі выяўленых парушэнняў альбо дэмантаваць гэтыя антэны і канструкцыі.

Устаноўлена таксама, што пры правядзенні арганізацыяй, якая ажыццяўляе эксплуатацыю жыллёвага фонду і (або) прадастаўляе жыллёва-камунальныя паслугі, работ па рамонце даху або фасада шматкватэрнага жылога дома ініцыятар (пры неабходнасці) абавязаны забяспечыць дэмантаж індывідуальных антэн і іншых канструкцый на час правядзення рамонтных работ.

Самавольная устаноўка

Пунктам 12 Палажэння самавольная ўстаноўка індывідуальных антэн і іншых канструкцый забаронена. Ну, а для тых, каму п. 12 «не напісаны», у Палажэнні прадугледзелі п. 13, згодна з якім грамадзянін, юрыдычная асоба, ІП, якія ажыццявілі самавольную ўстаноўку індывідуальных антэн і іншых канструкцый, усё ж абавязаны атрымаць адпаведнае ўзгадненне. Такое ўзгадненне выдаецца ў выпадку, калі няма падстаў для адмовы, прадугледжаных у п. 6 Палажэння.

Для яго атрымання грамадзянін падае ў тэрытарыяльнае падраздзяленне архітэктуры і горадабудаўніцтва заяву і прадстаўляе дакументы, пералічаныя ў п. 1.15.2 пераліку адміністрацыйных працэдур для грамадзян. Таксама акрамя заявы там указаны тэхнічны пашпарт і дакумент, які пацвярджае права ўласнасці на памяшканне, – для ўласніка памяшкання. Працэдура таксама ажыццяўляецца бясплатна, аднак па часе можа заняць ужо да месяца.

У сваю чаргу, для атрымання ўзгаднення самавольнай устаноўкі індывідуальных антэн і іншых канструкцый юрыдычная асоба, ІП падаюць у тэрытарыяльнае падраздзяленне архітэктуры і горадабудаўніцтва заяву і прадстаўляюць дакументы, указаныя у п. 8.3.3 пераліку адміністрацыйных працэдур для юрыдычных асоб і ІП, а менавіта:

- копію дакумента, які пацвярджае дзяржаўную рэгістрацыю юрыдычнай асобы або індывідуальнага прадпрымальніка

- тэхнічны пашпарт і дакумент, які пацвярджае права ўласнасці, права гаспадарчага ведання або аператыўнага кіравання на памяшканне, – для ўласніка, уладальніка права гаспадарчага ведання, аператыўнага кіравання на памяшканне.

У дадзеным выпадку працэдура будзе таксама бясплатнай.

На падставе дакументаў, прадстаўленых грамадзянінам, юрыдычнай асобай, ІП, якія ажыццявілі самавольную ўстаноўку індывідуальных антэн і іншых канструкцый, тэрытарыяльнае падраздзяленне архітэктуры і горадабудаўніцтва не пазней аднаго месяца з дняпадачы заявы ўзгадняе самавольную ўстаноўку альбо адмаўляе ў такім узгадненні з указаннем матыву адмовы. Вызначана, што ў выпадку адмовы ў тэрмін, устаноўлены тэрытарыяльным падраздзяленнем архітэктуры і горадабудаўніцтва, індывідуальныя антэны і іншыя канструкцыі дэмантуюцца, дах і фасад шматкватэрнага жылога дома прыводзяцца ў ранейшы стан асобай, якая ажыццявіла самавольную ўстаноўку індывідуальных антэн і іншых канструкцый, або за яе кошт.

У адпаведнасці з п.17 Палажэння грамадзянін, юрыдычная асоба, ІП, якія ажыццявілі самавольную устаноўку індывідуальных антэн і іншых канструкцый, нясуць адказнасць у адпаведнасці з заканадаўчымі актамі. Гаворка ідзе пра арт. 21.13 Кодэкса Рэспублікі Беларусь аб адміністрацыйных правапарушэннях, згодна з якім самавольнае пераабсталяванне, перафарбаванне або іншае змяненне балконаў, ладжый і іншых архітэктурных і канструктыўных элементаў фасадаў жылых дамоў, іншых будынкаў і збудаванняў, устаноўка на фасадах, балконах, ладжыях, дахах спадарожнікавых і іншых антэн, а роўна непрыняцце мер па падтрыманні ў належным стане знешняга выгляду жылых дамоў, іншых будынкаў, збудаванняў і агароджаў цягнуць накладанне штрафу ў памеры ад 2 да 15 базавых велічынь.