Пасяўная ў Беларусі пачнецца праз два тыдні. Пра гэта ў эфіры тэлеканала "Беларусь 1" сказаў намеснік прэм'ер-міністра Міхаіл Русы, паведамляе БЕЛТА.
Пасяўная ў Беларусі пачнецца праз два тыдні. Пра гэта ў эфіры тэлеканала "Беларусь 1" сказаў намеснік прэм'ер-міністра Міхаіл Русы, паведамляе БЕЛТА.
"Зімоўка праходзіць нармальна, за выключэннем двух рэгіёнаў, дзе мала снегу. Цяпер галоўная задача - рыхтаваць і назапашваць мінеральныя ўгнаенні. Праз 10-15 дзён пойдзем у поле. Паўтараецца мінулы год, калі Брэст завяршыў сяўбу, а ў Віцебску яшчэ снег ляжаў. Таму ў сціснутыя тэрміны трэба будзе правесці сяўбу ў паўночных і цэнтральных раёнах, - адзначыў Міхаіл Русы. - Вядзецца рамонт тэхнікі. У сакавіку плануецца завяршыць пагашэнне паліўнага крэдыту".
Падрыхтоўка да пасяўной у цэлым ідзе па плане. Урад даручыў прыняць меры па забеспячэнні гатоўнасці не менш за 95% наяўнай у сельгасарганізацый тэхнікі для правядзення вясенніх палявых работ да 25 сакавіка, нарыхтоўкі травяных кармоў - да 15 мая, уборкі збожжавых і зернебабовых культур, першаснай апрацоўкі і захоўвання збожжа - да 20 чэрвеня.
Зімоўка жывёлы ідзе здавальняюча. "Атрымалі валавы паказчык росту да студзеня 2016 года - 104%", - адзначыў Міхаіл Русы. Пры гэтым ён падкрэсліў, што ў розных рэгіёнах сітуацыя складаецца па-рознаму, шматее залежыць ад чалавечага фактару.