28 мая, Віцебск /Дыяна Курыло - БЕЛТА/. Рост паступленняў падатку на ігральны бізнес у фактычных цэнах у студзені-красавіку бягучага года ў параўнанні з аналагічным перыядам мінулага года ў Віцебскай вобласці вырас на Br1,3 млрд., паведамілі карэспандэнту БЕЛТА ў прэс-цэнтры інспекцыі МПЗ па Віцебскай вобласці. За студзень-красавік 2012 года ў кансалідаваны бюджэт Віцебскай вобласці паступіла падатку на ігральны бізнес у суме Br4,5 млрд., што склала 0,3% ад агульных паступленняў у рэгіёне. У параўнанні з аналагічным перыядам мінулага года назіраецца рост паступленняў падатку на ігральны бізнес у фактычных цэнах на Br1,3 млрд. На тэрыторыі Віцебскай вобласці зарэгістравана 12 суб'ектаў гаспадарання, якія ажыццяўляюць дзейнасць у сферы ігральнага бізнесу, з іх 5 стаяць на ўліку ў інспекцыі МПЗ Рэспублікі Беларусь па Кастрычніцкім раёне Віцебска, а ўсяго ў абласным цэнтры ў інспекцыях зарэгістравана 10 такіх суб'ектаў. Яшчэ па адным плацельшчыку дадзенага падатку размешчаны на тэрыторыі Наваполацка і Полацка. Па стане на 1 мая 2012 года, на тэрыторыі Віцебскай вобласці размешчана 1083 аб'екты ігральнага бізнесу. -0-

БЕЛТА