10 верасня, Віцебск /Дзіяна Курыло - БЕЛТА/. У Віцебскай вобласці па выніках студзеня-ліпеня бягучага года адзначаецца рост паступленняў ад падатку на ігральны бізнес, паведамілі карэспандэнту БЕЛТА ў прэс-цэнтры інспекцыі МПЗ Рэспублікі Беларусь па Віцебскай вобласці. Паступленні ад падатку на ігральны бізнес за сем месяцаў павялічыліся ў фактычных цэнах на Br2,3 млрд., або прыкладна на 40%, у параўнанні з аналагічным перыядам мінулага года. Усяго за дадзены перыяд ад суб'ектаў гаспадарання ў кансалідаваны бюджэт вобласці паступіла звыш Br8 млрд. гэтага падатку, што складае 0,2% агульных паступленняў у рэгіёне. Удзельная вага падатку на ігральны бізнес застаецца на ўзроўні мінулага года. Як адзначылі ў абласной інспекцыі, на тэрыторыі зарэгістравана дзевяць суб'ектаў гаспадарання, якія займаюцца ігральным бізнесам. З іх восем складаюцца на ўліку ў раённых інспекцыях Віцебска, яшчэ адзін зарэгістраваны ў Наваполацку. Па стане на 1 жніўня 2012 года на тэрыторыі Віцебскай вобласці было размешчана 964 аб'екты ігральнага бізнесу.-0-

БЕЛТА