7 верасня каля 3 гадзін ночы ў службу выратавання паступіла паведамленне аб пажары гаража па вуліцы Дэпоўская горада Лепеля.
Калі ратавальнікі прыбылі да месца паведамлення, назіралася адкрытае гарэнне гаража.
У выніку пажару ў гаражы знішчаны дах, столевае перакрыцце, маёмасць, пашкоджаны сцены.
Прычына пажару высвятляецца. Разглядаемая версія прычыны ўзнікнення пажару – парушэнне правілаў эксплуатацыі электрасетак і электраабсталявання (аварыйны рэжым працы электрычнай сеткі).
МНС нагадвае: пазбегнуць пажару можна пры выкананні правілаў пажарнай бяспекі. Не эксплуатуйце няспраўную або старую электраправодку. У выпадку пажару неадкладна тэлефануйце па тэлефоне 101 або 112. Укажыце імя, прозвішча, адрас і прычыну ўзнікнення надзвычайнай сітуацыі, а таксама паведаміце аб наяўнасці ў палаючым памяшканні людзей.