14 ліпеня каля 16 гадзін дня ў службу выратавання паступіла паведамленне аб пажары гаспадарчай пабудовы, размешчанай па вуліцы Энгельса ў горадзе Лепелі.
Калі ратавальнікі прыбылі да месца паведамлення, назіралася адкрытае гарэнне даху хлеўчука.
У выніку пажару ў хлеўчуку пашкоджаны дах, столявае перакрыцце, маёмасць і сцены.
Прычына пажару высвятляецца. Разгляданая версія прычыны ўзнікнення пажару – парушэнне правілаў эксплуатацыі электрасетак і электраабсталявання.
МНС нагадвае: пазбегнуць пажару можна пры выкананні правілаў пажарнай бяспекі. Не эксплуатуйце няспраўную або старую электраправодку. У выпадку пажару неадкладна тэлефануйце па тэлефоне 101 або 112. Укажыце імя, прозвішча, адрас і прычыну ўзнікнення надзвычайнай сітуацыі, а таксама паведаміце аб наяўнасці ў палаючым памяшканні людзей.