18 сакавіка ў дзяжурную службу МНС паступіла паведамленне аб пажары ў вёсцы Юркаўшчына. Па прыбыцці ратавальнікаў да месца выкліку назіралася адкрытае гарэнне даху дома на ўсёй плошчы і прылеглай пуні. У выніку пажару ў доме і пуні знішчаны дах, пашкоджаны сцены, маёмасць. Прычынай пажару паслужыла неасцярожнае абыходжанне з агнём пры выпальванні сухой расліннасці жыхаром суседняга домаўладання. На тэрыторыі вобласці ад выпальвання расліннасці загінула два чалавекі. Не выпальвайце сухую расліннасць, не разводзьце костры бліжэй за 10 метраў ад пабудоў.