3 ліпеня каля 2 гадзін ночы ратавальнікам паступіла паведамленне аб пажары дома па адрасе горад Лепель вуліца Садовая. Калі ратавальнікі прыбылі да месца ўзгарання назіралася адкрытае гарэнне дома.
У выніку пажару знішчана дах, пашкоджаны сцены. Пацярпелых няма. Прычына пажару высвятляецца. Разглядаемая версія прычыны ўзнікнення пажару – неасцярожнае абыходжанне з агнём (вінаватая асоба высвятляецца).
Паважаныя грамадзяне! Выконвайце правілы пажарнай бяспекі ў быце, не дапускайце курэння ў жылых памяшканнях, сачыце за тым, каб запалкі і цыгарэты пасля выкарыстання былі патушаны. Усталюйце ў жылых пакоях аўтаномныя пажарныя апавяшчальнікі, якія ў выпадку ўзнікнення пажару своечасова апавясцяць вас аб небяспецы. Пры пажары і іншых надзвычайных сітуацыях тэлефануйце па нумары 101 або 112.