Пажарна-прафілактычная работа ў жылым сектары

На гэтым тыдні інспекцыяй нагляду і прафілактыкі Лепельскага раённага аддзела па НС праведзены рэйд з ацэнкай бяспекі ўмоў пражывання катэгарызаваных грамадзян. Мэтай такіх мерапрыемстваў з'яўляецца зніжэнне колькасці пажараў, якія адбываюцца па прычыне невыканання грамадзянамі правілаў пажарнай бяспекі ў жылых дамах. На дадзены момант праведзена прафілактычная праца ў населеных пунктах Слабодскага сельскага савета. Наведаны домаўладанні сем'яў, якія знаходзяцца ў сацыяльна небяспечным становішчы, адзінокіх, састарэлых грамадзян, інвалідаў. З домаўладальнікамі праведзены прафілактычныя гутаркі па выкананні правілаў пажарнай бяспекі ў побыце, звернута ўвага на недапушчэнне пакідання дзяцей без нагляду дарослых. Акрамя гэтага, у зімовы перыяд на пастаяннай аснове з жыхарамі населеных пунктаў праводзіцца тлумачальная праца аб недапушчальнасці выхаду на тонкі няўстойлівы лёд, а таксама своечасовай ачысткі дахаў ад снегу і наледзі, каб пазбегнуць узнікнення надзвычайных сітуацый.