23 чэрвеня, Брэст /Аліна Грышкевіч - БЕЛТА/. Пётр Пракаповіч не вернецца ў Нацыянальны банк, але будзе задзейнічаны ў інтарэсах дзяржавы пасля праходжання медыцынскай рэабілітацыі. Пра гэта Прэзідэнт Беларусі Аляксандр Лукашэнка паведаміў сёння журналістам, адказваючы на ​​іх пытанні адносна нядаўняга прызначэння выканаўцам абавязкаў старшыні праўлення Нацбанка Юрыя Алымава, перадае карэспандэнт БЕЛТА. "Пётр Пракаповіч у Нацыянальны банк больш не вернецца, я хачу, каб ён жыў, - сказаў кіраўнік дзяржавы. - Гэта чалавек, найбольш адданы сваёй краіне, сумленны і годны". Пры гэтым Прэзідэнт адзначыў: "І ён памыляўся, і ўрад, і я павінен гэта бачыць". "Гэта адданы нашай Айчыне чалавек. Але цяжка нават было б уявiць, што, перанёсшы аперацыю на адкрытым сэрцы, ён літаральна на наступны дзень выйшаў бы на працу, - працягнуў Аляксандр Лукашэнка. - Таму мы з ім дамовіліся: ён будзе задзейнічаны ў краіне на поўную моц пасля праходжання медыцынскай рэабілітацыі".-0-

БЕЛТА