Адпачынак павінен быць прыемным і бяспечным.

Адпачынак павінен быць прыемным і бяспечным.

З усталяваннем цёплага надвор'я жыхары і госці нашага горада і раёна цягнуцца да прыроды і ў першую чаргу да рэк і азёр, для таго каб адпачыць, асвяжыцца і аднавіць сілы пасля працоўных будняў. Часта, знаходзячыся на адпачынку, яны забываюць аб мерах асабістай маёмаснай бяспекі, правілах паводзін на вадзе, выкананні правілаў пажарнай бяспекі, што часам прыводзіць да трагічных наступстваў. Некаторыя распіваюць спіртное, разводзяць костры ў пажаранебяспечных месцах, забруджваюць навакольнае асяроддзе бытавымі адходамі, займаюцца незаконнай парубкай лесу і лоўляй рыбы браканьерскімі спосабамі, што ператварае іх у правапарушальнікаў.

На тэрыторыі горада Лепеля і Лепельскага раёна рашэннямі райвыканкама вызначаны месцы, дазволеныя для купання, месцы, дзе купание забаронена, а таксама месцы масавага адпачынку грамадзян, гэта значыць тыя, дзе пры пэўных абставінах збіраецца значная колькасць грамадзян.

Да месцаў, забароненых для купання, адносяцца тыя месцы, дзе гэта рабіць небяспечна з-за рэльефу дна, цячэння, блізкасці якіх-небудзь тэхнічных збудаванняў і іншых меркаванняў бяспекі людзей. Так, рашэннем Лепельскага райвыканкама вызначана, што купание забаронена ў меліяратыўных і тэхнічных каналах, сажалках, сажалках-капанях, абводненых кар'ерах, штучных пажарных вадаёмах, ачысных збудаваннях, затонах, месцах размяшчэння плацін, шлюзаў, мастоў, дамбаў і іншых гідратэхнічных збудаванняў. Купание ў дадзеных месцах цягне адміністрацыйную адказнасць па арт.24.42 Кодэкса Рэспублікі Беларусь аб адміністрацыйных правапарушэннях (далей КоАП). За такое парушэнне можа быць накладзены штраф да трох базавых велічынь.

Месцамі, дазволенымі для купання, з'яўляюцца пляжы і прыбярэжныя тэрыторыі азёр і рэк. Для забеспячэння нармальнага адпачынку, бяспекі людзей, яны добраўпарадкаваны, гэта значыць абарудваны ценявымі навесамі, кабінкамі для пераапранання, смеццевымі кантэйнерамі, туалетамі. Пры гэтым перад адкрыццём купальнага сезона ў абавязковым парадку з дапамогай вадалазаў ОСВОД дно акваторыі пляжу ачышчаецца ад бытавога смецця і іншых прадметаў, якія могуць пацягнуць траўмаванне людзей. Такім чынам, купание і адпачынак у такіх месцах больш бяспечныя.

Месцы масавага адпачынку грамадзян – гэта месцы з найбольшай наведвальнасцю людзей, у тым ліку і пры правядзенні культурна-масавых мерапрыемстваў. У нашым горадзе і раёне гэта пляж

возера Лепельскае (вул. Віцебская), пляж возера Святое (вул. Веры Маргевіч), пляж возера Бабрыца Лепельскага ваеннага санаторыя в. Бароўка, пляж возера Шчыбот ДРАЦ «Жамчужына» в. Бароўка

Аднак не варта забываць пра тое, што ўсе месцы адпачынку з'яўляюцца грамадскімі месцамі, у сувязі з чым, ужыванне алкагольных, слабаалкагольных напояў і піва, спажыванне наркатычных сродкаў, псіхатропных рэчываў або іх аналагаў, роўна як з'яўленне ў стане ап'янэння, у дадзеных месцах цягне адміністрацыйную адказнасць па арт.19.3 КоАП. У летні перыяд, органамі ўнутраных спраў будзе удзяляцца асаблівая ўвага забеспячэнню грамадскай бяспекі і ахове грамадскага парадку ў дадзеных месцах, паколькі парушэнне элементарных правілаў паводзінаў, альбо купанне ў стане алкагольнага ап'янэння часта з'яўляюцца прычынамі няшчасных выпадкаў і гібелі людзей.

Таксама даволі часта адбываецца так, што захапіўшыся адпачынкам і купаннем у прахалоднай вадзе ў спякотны дзень, людзі пакідаюць без нагляду сваю маёмасць, у тым ліку і дарагія тэлефоны, фотаапараты і іншыя каштоўнасці. Гэтым могуць скарыстацца «нячыстыя на руку» людзі і выкрасці іх. Таму, не пакідайце сваю маёмасць без нагляду, выконвайце заканадаўства Рэспублікі Беларусь і правілы паводзінаў на вадзе і Ваш адпачынак будзе прыемным і бяспечным.

Па пытаннях, якія тычацца праваахоўнай дзейнасці Вы можаце звярнуцца ў аддзел унутраных спраў Лепельскага райвыканкама па тэлефонах: 

102;

МТС 8-029 – 7102789;

Velcom 8-029 – 3274602.

Адначасова нагадваем Вам, што ў грамадскіх месцах

Забараняецца:

абразліва прыставаць да грамадзян і здзяйсняць іншыя наўмысныя дзеянні, якія парушаюць грамадскі парадак, дзейнасць арганізацый або спакой грамадзян і выяўляюцца ў яўным непавазе да грамадства. Артыкул 19.1 кодэкса аб адміністрацыйных правапарушэннях Рэспублікі Беларусь (далей – КоАП) «Дробнае хуліганства» цягне накладанне штрафу ў памеры ад 2 да 30 базавых велічынь (далей – БВ) або адміністрацыйны арышт, або грамадскія работы;

распіваць слабаалкагольныя або алкагольныя напоі, а таксама піва па-за месцамі, спецыяльна для гэтага прызначанымі, або з'яўляцца ў грамадскім месцы ў п'яным выглядзе. Артыкул 19.3 КоАП «Распіванне алкагольных, слабаалкагольных напояў або піва, спажыванне наркатычных сродкаў, псіхатропных рэчываў або іх аналагаў у грамадскім месцы альбо з'яўленне ў грамадскім месцы або на працы ў

«у стане ап'янэння» цягне за сабой накладанне штрафу ў памеры да 8 БВ. Тыя ж дзеянні, учыненыя паўторна на працягу года пасля накладання спагнання за такія ж парушэнні, ад 2 да 15 БВ або адміністрацыйны арышт, або грамадскія работы. За з'яўленне ў грамадскім месцы, альбо спажыванне наркатычных сродкаў можа быць накладзены штраф ад 5 да 10 БВ;

купацца ў забароненых месцах рэк, азёр, вадасховішчаў, сажалак і іншых вадаёмаў. Артыкул 24.42 КоАП «Купанне ў забароненых месцах» цягне за сабой накладанне штрафу ў памеры ад 1 да 3 БВ;

забруджваць і засмечваць вадаёмы, парушаць рэжым утрымання водаахоўных зон. Артыкул 15.34 КоАП «Забруджванне альбо засмечванне вод» цягне за сабой накладанне штрафу ў памеры ад 1 да 3 БВ, на індывідуальнага прадпрымальніка – да 25 БВ, а на юрыдычную асобу – да 50 БВ.

Акрамя гэтага на пляжах, не дазваляецца:

уваходзіць у ваду і купацца ў нецвярозым стане;

заплываць за буі і іншыя знакі, якія абазначаюць межы заплыву;

падплываць да суднаў (маторных, парусных), вяслярных лодак і іншых плыўных сродкаў;

узбірацца на тэхнічныя і папераджальныя знакі, буі і іншыя прадметы;

скакаць у ваду з лодак, катэраў, прычалаў, іншых збудаванняў, не прыстасаваных для гэтых мэт, а таксама ў месцах, дзе невядома глыбіня і стан дна;

выкарыстоўваць выратавальныя сродкі і рыштунак не па прызначэнні;

 

плаваць на дошках, лежаках, бярвёнах, аўтакамерах, надзіманых матрацах і іншых прадметах, якія не адпавядаюць патрабаванням, што прад'яўляюцца да плыўных сродкаў;

арганізоўваць гульні ў вадзе, звязаныя з ныраннем і захопам купальшчыкаў, а таксама дапускаць іншыя дзеянні, якія могуць з'яўляцца прычынай няшчаснага выпадку;

подавать ложныя сігналы трывогі;

пакідаць малалетніх дзяцей без нагляду;

купацца асобам, якія маюць заразныя скурныя захворванні;

мыць бялізну і купаць жывёл.

Аддзел аховы правапарадку і прафілактыкі АУС Лепельскага райвыканкама.